Ikinngutigiinneq

Oqaatsit nuannersut

Ikinngutigiinneq tunissutaavoq nuannersoq – inuunermut nuannernerulersitsisoq.

Tamatta kammalaateqarnissarput pisariaqartittarparput.

siunnersuutit pitsaasut
Ikinngutigiinneq pillugu

1

Arlaallu isumaqatigiinngilasi? Nuanniillivallaannginnerani aaqqeeqatigiigitsi.

Inuttaa oqaloqatigiuk. Kammalaatit allaffigisinnaavat oqaloqatigilaarusunnerarlugu.

Kammalaatit qanoq misigisimanersoq takorlooruk. Eqqissisimasumik oqaloqatigiinneq misilissiuk. Pisuutittaannasi qanoq misiginerlusi oqaatigisiuk, taamaalillusi paaseqatigiinnerusinnaavusi.

Aaqqeeqatigiinneq sapiliivikkussi inersimasumut Tusaanngamulluunniit ikioqqugit.

Kammalaatillu isumaqatigiittuaannartariaqanngilasi – isumaqatigiinnginneq aamma ajunngilaq.

2

Nutaanik ikinngutitaarusuppit? Uku iliuuserisinnaavatit:

Ikinngutitaarnissat ammaffigiuk, narrunaveersaarit, eqqarsaatitit eqqartukkatillu nuannersuutikkit.
Namminiugit imminullu upperigit.
Inunnik oqaluussassarsiortarit.
Soqutiginninnerit takutittaruk, soorlu nipilersuutit suut nuannarineraat imaluunniit soqutigisaat pillugit apersulaarlutit.

3

Ikinngutit ajornartorsiorpa? Siunnersuutit uku atorlugit ikioruk:

Ikinngutit oqaloqatigiuk; Imaassinnaavoq oqaloqatigineqalaarnissani pisariaqartinnerpaagaa. Illit ajornartorsiutaa aaqqinniartariaqanngilat – kisianni tusarnaarneqarneq iluaqutaasarpoq.
Tapersersuinerit takutiguk; Ataatsimoorlusi sammisinnaasassinnik siunnersuuteqarit. Taamaalioruit ikinngutinnut takutissinnaavat tapersersorlugu ilagerusullugulu.
Ikinngutit aaqqiiniarnissaanik uteriiserfiginaveersaaruk. Sapinngisani iliuusererusutanilu iliuuserissavai.
Ikinngutivit ajornartorsiutaa sakkortua? Taava pingaaaruteqarpoq inersimasumik ikiorneqarnissaa. Inersimasumut oqarnissaanut ikiorumajuk.

4

niviarsiaqqat nukappiaqqallu ikinngutigiinnissaat ajortuunngilaq.

Kisianni meeqqat ilaasa kanngugilaartarpaat, taamatullu misigineq naliginnaasuuvoq.

Kisianni niviarsiaqqat nukappiaqqallu ikinngutigiinnissaat pitsaasuuvoq. Illit ikinngutitaarusukkuit imaaliorsinnaavutit:

Aallartitsisuugit: Qanoq oqaluutissanerlugit nalorniguit soqutigisaat pillugit apersulaarsinnaavatit.

Sammisassassinnik isumassarsiorit: Niviarsiaqqat nukappiaqqallu peqataaffigisinnaasaannik ikinngutitit pilersaarusioqatigiumakkit.

5

Ikinngutigiinneq killiliisinnaanerlu;

Ilaanni nuannertarpoq ikinngutit aqqutigalugit nutaanik misileraasinnaaneq. Kisianni eqqaamassavat naameernissamut periarfissaqartuaannarputit ikinngutivillu naameernerit ataqqisartussaavaat.

Iliuusererusunngisannik iliuuseqartariaqanngilatit, taamaammat imminut tusarnaartarit.

Eqqaamajuk: naameerneq ajunngitsuummat

Misilitassaq

Ikinngutillu Isumaqatigiinngikkussi pitsaasumik aaqqiissuteqaritsi

Step 1 of 6

Misigissutsitit oqaatigikkit

Kamakkaangatta aliasukkaangattaluunniit oqaatsit nuanniitsut oqaatigisoorsinnaasarpagut.

Taamaaliorneq iluaqutaaneq ajorpoq ajoqutaanginnartarlunili.

Taamaammat taarsiullugu qanoq misiginerlutit oqaatigisaruk, assersuutigalugu:

“Imatut ilioraangavit aliasulertarpunga.”

Asannilerneq akornutaava?

Inuk ataaseq tamassi inequgivisiuk?

Ikinngut asannilerfigisimagaanni qanoq iliortoqarsinnaava?

ikinngutit niviarsiaraqatit/nukappiaraqatit asannilerfigiviuk?

Ilaanni misigisoqalersinnaasarpoq ikinngummut suiaaqatigisamut misigissuseqalerneq. Taamatut misigaluni siullermik paatsuunganarsinnaavoq kisianni eqqaamassavat naliginnaasuummat.

Ikinngutit qanoq misiginersoq paaserusukkukku misilillugu arlaannik suiaaqatinoortuunermut tunngasumik nuisoqarpat aperisinnaavat: “Illit inuit arnaqatiminnoortut imaluunniit anguteqatiminnoortut qanoq igisarpigit?”.

Taava eqqartuinissinni periarfissaqalersinnaavutit oqarnissannut: “Uanga aamma niviarsiaraqatikka/nukappiaraqatikka soqutigisarpakka.” Pingaarnerpaaginnarpoq illit nammineq toqqissisimanarisannik misigissutsivit paasitinnissaat.

Ikinngutivit inequgisaa imaluunniit angutaataa/arnaataa aparnikuuiuk?

Angutaativit/arnaativit ikinngutitit ikinngutigilluarpai imaluunniit isumaqatigiissinnaanngiivippat?

Nuannersuuvoq ikinngutit aapparisarlu aamma ikinngutigiissinnaagaangata. Kisianni misigiguit qanippallaalersut misigilersinnaavutit paatsuungallutit sinngasinnaallutillu. Aapparisat oqarfigisinnaavat: “Nuannarivara ikinngutikka ikinngutigisinnaagitit, kisianni maannakkut ilanginerunissat kissaatigivara. Marluinnaalluta sammisaqaqatigiinnerusinnaavugut?”.

Ikinngutivit aapparisat nuannarinngippassuk aperikkit sooq nuannarinnginneraat, immaqami peqqutissaqarluarput ilinnut illersuerusullutik. Nassuiaasinnaanngippata oqarfigikkit aapparisat nuannarineqanngitsoq aliasunnaralugu imaluunniit aapparisat ajunngisaarfiginerusinnaannginneraat aperikkit tamassilu sammisinnaasassinnik siunnersuuteqarlutit.

Asannilertarneq pillugu nalornissuteqaruit siunnersuutilluunniit takorusukkukkit una iserfigiuk: Asanninneq

Aamma sumilluunniit nalornissuteqaruit Tusaannga ilinnut ikiuukkusuttuaannarpoq. Sianerfigitigut 801180-mut SMS-erlutilluunniit 1899-mut. Aamma maani chatikkut allaffigisinnaavatsigut.

Siunnersuigit siunnersorneqarlutillu

Ulluinnarni Oqaluussaqalaartarneq

Taleboblep aappaluartup iluani "hi" allaqqavoq.

Step 1 of 10

Namminiugit, taamatut angusaqarnerpaasinnaavutit aamma eqqissisimarpasinnerussaatit.

Nukappiaraq, 11 år

SIunnersuigit

Niviarsiaraq pequlialluni issiasoq, tunuliaqutaaniipput inuit pingasut tarraat, inunnilu taakkunanni ataaseq telefonikkut oqaluppoq.

KiserliortututMisigisimasarpit?

Misigissuseq kiserliorneq kisermaatissallugu artornartuuvoq.
Maana kiserliornermut siunnersuutinik pissarsisinnaavutit, nalorsitsaarutinik misiliillutit aammalu oqaloqatigiinnermik qanoq aallartitsisinnaanerlutit ikiorneqarsinnaallutit.

Paasisaqarnerugit

Misissuineq

Nittartagaq qanoq isumaqarfigaajuk?

Niviarsiaraq ineeqqami mobilimik tigummilluni issiasoq.

Step 1 of 4

Uani quppernermi ajornartorsiutigisavit iliuuseqarfiginissaanut iluaqutigisinnaasannik pissarsivit?

Aap

Naamik

Ikinngutigiinneq

Ikinngutigiinneq

Oqaatsit nuannersut

siunnersuutit pitsaasut
Ikinngutigiinneq pillugu

1

Arlaallu isumaqatigiinngilasi? Nuanniillivallaannginnerani aaqqeeqatigiigitsi.

2

Nutaanik ikinngutitaarusuppit? Uku iliuuserisinnaavatit:

3

Ikinngutit ajornartorsiorpa? Siunnersuutit uku atorlugit ikioruk:

4

niviarsiaqqat nukappiaqqallu ikinngutigiinnissaat ajortuunngilaq.