18-it inorlugit ukioqarpit, inersimasumillu ikiorneqarnissat pisariaqartillugu?
Najorti tassaavoq inersimasoq meeqqanik inuusuttunillu artorsaateqartunik ikiuisartoq. Najortip kommunimi, atuarfimmi, meeqqat angerlarsimaffianni politiinilluunniit oqaloqateqassaguit ilagisinnaavaatit ikiorlutillu.
Najortimut akeqanngitsumik sianersinnaavutit normumut uunga: 29 00 28.
Najorti sulerisarpa?
Najortip tassaavoq meeqqat ikinngutaat. Najortip sulissutigissavai:
- Ilinnut ajunnginnerpaaq anguniarlugu ikiussavaatit.
- Suliat ilinnut tunngasut eqqortumik suliarineqarnissaat sulissutigissavaa.
- Kommunimi, atuarfimmi, meeqqat angerlarsimaffianni, politiinilluunniit oqaloqateqassaguit ikiorniarlutit ilagisinnaavaatit.
- Illit kissaatitit malillugit aalajangiisoqarnissaa sulissutigissavaa.
- Qanoq pisoqarnerata paasilluarnissaanik ikiorsinnaavatit.
- Pisariaqartitavit oqaluttuarinissaanik ikiorsinnaavaatit.
Najortip illit kissaativit pisariaqartitavillu inersimasunit tusarneqarnissaat sulissutigissavaa.
Eqqaamasassat:
- Najortip illit pillutit inersimasut qanorpiaq aalajagiinissaat aalajangersinnaanngilaa.
- Ulorianartorsioruit ilinnulluunniit ajoquseruit Najortip PINNGITSOORANI kommuni imaluunniit politiit paasitittussaavai.
Kikkut Najorti-qarsinnaappat?
Najorti-qarsinnaavutit…
- Angerlarsimaffissinni toqqissisimanngikkuit
- Misigisimaguit inersimasut ikiunngikkaatsit
- Kommunimi oqaloqateqassaguit
Qanoq iliorlunga Najorti-mik pissarsisinnaavunga?
Najorti-mik pissarserusukkuit normumut 290028-mut sianersinnaavutit imaluunniit ataani tuugassaq tooriarlugu messenger-ikkut allallutit. Aamma inersimasup tatigisavit imaluunniit Tusaanngap Najortimik pissarsinissannik ikiorsinnaavaatit.
Tusaanngamut 801180-mut sianersinnaavutit SMS-erlutilluunniit 1899-mut. Aamma maani chatikkut allaffigisinnaavatsigut. Ikiorusuppatsigit.
misissuineq
Nittartagaq qanoq isumaqarfigaajuk?
