• wpml-ls-flag
  • wpml-ls-flag
Isumaginninnermut Aqutsisoqarfik - Socialstyrelsen

Sådan kan du kontakte Tusaannga

SMS
SMS
Chat
Chat
Sianerit
Sianerit
Allakkamik allagit
Allakkamik allagit
Tusaannga attavigiuk
Tusaannga attavigiuk
Niviarsiaraq pequlialluni issiasoq, tunuliaqutaaniipput inuit pingasut tarraat, inunnilu taakkunanni ataaseq telefonikkut oqaluppoq.

Kiserliorpit?

Niviarsiaraq pequlialluni issiasoq, tunuliaqutaaniipput inuit pingasut tarraat, inunnilu taakkunanni ataaseq telefonikkut oqaluppoq.

Kiserliorpit?

kiserliorneq pillugu
isiginaagassiaq takuuk

Kiserliorneq pillugu   
siunnersuutit

1

Sammisassanut peqataasalerit

Sumimita inunnik nutaanik naapitsisinnaavit? Sunngiffimmi ornittagaqariinngikkuit immaqa arlaannik ornittagaqalersinnaavutit? Illoqarfigisanni nunaqarfinniluunniit suut periarfissaappat? Immaqa timersornerup iluani sammisassat? Imaluunniit assassornerup iluani sammisassat?

Imaassinnaavoq aamma illoqarfissinni nunaqarfimmiluunniit meeqqat aneeqatigeerrattartut? Kammalaatit aneeqatigiumajuk aneertunullu peqataallusi.

Aamma illoqarfigisanni nunaqarfinniluunniit klub-eqarpat klub-imukartalersinnaavutit. Meerarpassuit inuusuttuaqqallu klub-imukartarput. Klub-it assigiinngitsunik sammisassaqartitsisarput illit peqataaffigisinnaasannik.

Aamma ukiutit naammalereersimappata sunngiffimmi suliffigisagassannik suliffissarsiorsinnaavutit. Suliffinni imaassinnaavoq peqatinnik suleqateqartutit, taamaalillutit suliffimmi aamma ataatsimooqateqartalissagaluarputit.

atuaruk
matujuk

2

oqaloqatigiinnermik aallartitsisuugit

Misilillugu arlaat ornillugu oqaloqatigiuk, taamaalillutit ammaasuuneq inussiarnersuunerlu takutissavatit.

Nalornigaanni qanoq oqalussanerluni apeqqummik aperaluni aallartittoqarsinnaavoq. Assersuutigalugu uku apeqqutigineqarsinnaapput:

  • ”Atuareeraagavit sulerisarpit?”
  • ”Arsartarpit?” imaluunniit “Timersortarpit?” 

Aamma arlaannik nuannersumik oqaaseqalaarsinnaavutit assersuutigalugu:

  • “Titartaallaqqittutit.”
  • “Arsarlaqqittutit.”

Nammineerlutit apeqqutigisinnaasannik isumassarsiorsinnaavutit sungiusarlutillu, taava tulliani ornigullutit oqaloqateqaleruit piareersimasutut misiginerussaatit. Aamma uani meeraqatippit oqaloqatiginissaannut siunnersuutinik nassaarsinnaavutit

atuaruk
Matujuk

3

Qanoq innerit oqaasinngortiguk

Misiliguk arlaannut qanoq misigininnik oqaluttuarlutit. Imaassinnaavoq inuit ilagisartakkavit nalugaat qanorinnersutit.

Assersuutigalugu oqarsinnaavutit:

  • “Ilaannikkut amigaatigisarpara ilagisaqarnissaq oqaloqateqarnissarluunniit.”
  • “Nalusarpara qanoq iliussanerlunga taamatut misigileraangama.”

Atuaqatinnut oqaatigigukku immaqa paasissavat atuaqatinni allanik aamma taamatut misigisoqartoq. Aamma misilissinnaavat ilinniartitsisunnut oqaatigalugu. Immaqa ilinniartitsisut nalunngisaqarpoq meeqqanik illit peqatigilluarsinnaasannik.

atuaruk
matujuk

4

Qanoq Misiginerit akuerisinnaavat

Inuit tamarmik piffeqarsinnaapput kiserliortutut misigalutik, aamma tamanna ajortuunngilaq.

Misigissuseq kiserliorneq takkussinnaasarpoq inuunermi annertuunik allanngortoqaraangat assersuutigalugu: qanigisamik annaasaqarsimalluni, illoqarfimmut allamut nuussimalluni, angajoqqaat avissimappata, allarluinnarmilluunniit pisoqarsimappat. Piffinni taakkunanni pisariaqartittarparput annertunerusumik tapersersorneqarneq qanilaarneqarnerlu, taamaanngippammi annikilliornarsinnaavoq

Aamma arlaannik aaliangersimasumik pisoqanngikkaluartoq kiserliorneq alliartuaarusaarsinnaasarpoq. Tamanna pisinnaavoq ilaquttatit kammalaatitillu qanigivallaanngitsutut misigiguit. Imaassinnaavoq misigisutit ilaquttavit kammalaativillu paasisinnaanngikkaatsit? Imaluunniit immaqa misigivutit tusarnaarneqarneq ajorlutit? Imaluunniit ilaquttavit kammalaativillu soqutigivallaanngikkaatsit?

Tamanna misigissuseq iluaakkaluarluni qaangiuteqqittarpoq. Illit ajoquteqanngilatit, naleqarputit asaneqarlutillu. Kisianni eqqaamajuk, sivisuumik taamatut misigisimasimaguit ikiortissarsiorit.

atuaruk
matujuk

5

Eqqarsaatitit allamut saatilaakkit

Kiserliorneq pillugu eqqarsaatit misigissutsillu inituallaalerpata allamut saasalaarneq iluaqutigisinnaavat.

Assatit atorlugit suliaqarit soorlu titartaallutit, allallutit, imaluunniit boorluliorlutit kaagiliorlutilluunniit. Imaluunniit timit aalatiguk.

Eqqissisimaarnarerusunik iliuuseqarusukkuit atuakkamik atuarsinnaavutit, pisuttualaarlutit imaluunniit filmimik isiginnaarlutit arlaannilluunniit.

Ilaasa aamma iluaqutigisarpaat eqqarsaatitik misigissutsitillu allattaavinnut allattorlugit.

atuaruk
matujuk

Kiserdeerner piddungu
tsiunnertsuuli

1

Tsammilatsanu peralaasatsavuli

Tsumiligiar iinni nulaani naapilarartinnaavi? Fritidsklubbimugartaajanngikkivi uppa ardaannugartalertsinnaalili orniddangatsannu? Iddorarpiisanni nunararpiisanniliinnii kisi perngiarpitsaappa? Uppa dimertsornii ilivani tsammisatsad? Uppaliinnii avali alerdungu tsamminerartinnaali ardaad.

Uppa aamma iddorarpiisanni nunararpiisanniliinnii mertserdi tsilami amerdakkaajuudduli aneerdardi? Kammalaalii ilangiimaniaa aneerdusili daakkivad orniddungu. Aamma iddorarpiisanni nunararpiisanniliinnii klubberaajarpad klubbimugardalertsinnaavuli. Mertserderpaddivagaii inuusuttuaqqaddi qaner klubbimugardardi. Klubbid atsingiinngitsini tsammilatsararditsilarpu iddi peralaappiisinnaasannu.

Aamma iddi ugiili naammadditsimaajarpala tsunngippimmi tsulippiisinnaasannu tsulippitsartseertinnaavuli. Uppa daagani iddi peralinnu tsuleralilaartinnaaluli, daddaalaa adda iijaralingalingu alaatsimooralerartinnaatsavuli

Alivarniaa
Maliniaa

2

Oralivarngalingiinnermi aaddarditsiluulatsavuli

Misiliddungu ardaad orndungu oralivaraleerngaatsangi, daaminna ammasuuner aamma inutsiarnertsuuner tagilitsava.

Naliialerngukku qaner aaddarditsaddili apeqqummi apiidduli aaddarditsinnaavuli. Atsertsuuliiddungu uguanaa apeqquliinerartinnaappu:

  • Alivarngunnaarngiarngaarngavid kisi tsammilarpii?
  • Artsardarpi? Uppaliinnii dimertsordarpi?

Aamma ardaanni kajiminnardimi oraaseralaartinnaavuli tsoordungaa:

  • Tivagai dilardaaddaqqeraali
  • Tivagai artsaddaqqikkaajuuvuli

Nammeeqqitsar iddi aamma apeqquliisinnaalannu isimami nulaami eqqartsartinnaavuli, daa duddiani oralivaralerngaajalerngivi piarngeertimaliitsavuli. Aamma uaningaa mertserderalippi oraliverarngaliinitsaanu tsiunnertsuulini natsaartinnaavuli.

Alivarniaa
Maliniaa

3

Qaner innerdili oraasinngordiiatsangi

Misiliiatsangi ardaannu qaner misiitsulerarnerdili orardili. Imaatsinnaavor iik kammalaalivi iijaraliisardakkaviddiinnii nalingaa qaner innertsili.

Tsoordungaa iminna orartinnaavuli:

  • “Ilaanni qaner amingaaliilarnginga iijaralerarnitsarnga oralivarngalerarnitsarnga”
  • “Qaner nalilerdarnginga qaniisitsaddua daaminna misingitsuleraajarngaangama”

Alivarngalinnu oraalingiiarngikku uppa paasitsava alivarngalinni addani aamma daaminna misiilid. Aamma misilitsinnaavad ilinniarditsusunnu oraaliiddungu. Uppa ilinniarditsisor nalinngisararpor mertserdini iddi iijaraliisinnaasannu.

Alivarniaa
Maliniaa

4

Misingitsuler agiverngisinnaavad

Iivid damaqqitsarmi ilaanni kiserdeerdili misingilarpu, aamma taanna ajerduunngilar.

Kiserdeerner dakkitsinnaalarpor tsoordungaa inuunermi ardaasingu addanngordoraajarngaarngad, atsertsuuliiddungu: ilarula ardaa toruujarngaarngad, uppaliinnii iddorarpimmu addamu nuuddoraajarngaarngad, angajoqqaaddiinnii qimatsimaajarngaarngala uppaliinnii addaqqitsarmi pisoraajarngaarngad, pippitsami daddani pilarngaarqardidarparpu tsuli annermi dapertsertsornerarnitsarpu tsoordu ajinngitsimi pineqarusuddula, daamaarngaanngippammi kajimiddeernanngitser.

Aamma ardaanni pisoranngikkalivarpaddiinnii kiserdeerner addiarduaarusaartinnaavor. Daaminna pisorartsinnaavor kammalaalili uppaliinnii ilarulali uasiddusu malinnaajarngaarngala. Uppa misiisimalinnaavuli kammalaalivi aamma ilarulavi paasisinnaanngikkaali? Uppaliinnii tusarnaarngumasoranngitser, uppaliinnii ilarulavi aamma kammalaalivi tsoruliivaddaanngikkaali?

Misingitsuser daanna kajiminnanngikkalivar kisia qaangiileqqiddarder, iddi ajeruleranngaali, nalerarpuli, asanerarpuli. Kisia eqqaamatsava, daaminna misiitsulerarnii tsivisukkaajunngorpa addamu igeerditsartiitsavuli.

Alivarniaa
Maliniaa

5

Eqqartsaalili addamu tsaaliiatsiili

Kiserdeerner piddungu eqqartsaali aamma misiitsuddi angiliiluungaarngala addani eqqartsarniartsaarner iluarulaasinnaavor.

Avalili alerdungu tsuliaraajatsiili tsoordu dilardaaddili, addadduli uppaliinnii booluleerdili, kaangileerdili uppaliinnii dimi aalaliddungu,

Eqqitsisimaarnardiilimi perngusuujatsangivi alivakkani alivartinnaavuli, pisudduardili uppaliinnii filmimi ilinginnaardili ardaannidduunnii kisiminnga addami.

Iivi ilaasa aamma iluaruliilarpaad eqqartsaalili aamma misiitsuddili addaddaavimmu addaddordungu.

Alivarniaa
Maliniaa

Innerineq pigdlugu
hiunnerruutit

1

Hammihagganut peqataoqattalerit

Nanilikiaq inunnik nutaanik naapitsihinnarialitit? Hunngi’vimmi ornittagaqariinngikkuit ammaqa argdlaannik ornittagaqalerrinnarialitit? Igdloqar’viiharni nunaqar’vinniluunniit hunat periar’viggaihut? Ammaqa timerrornerup iluani hammihaggat? Ammaqaluunniit aggaggornerup iluani hammihaggat?

Imaagginnarialik autta igdloqar’vissinni nunaqar’vimmiluunniit peraat aneeqatigiikkajuit? Kammalaatit aneeqatiijamaguk aneertunugdlu peqataugdluhi. Autta igdloqar’viiharni nunaqar’vimmiluunniit klub-eqarpat klub-imukartalerrinnarialitit. Peraarpaggiit inuuhuttuaqqagdlu klub-iliaqattartut. Klub-it assigiinngitsunik hammihaggaqartitseqattartut igdlit peqatau’viihinnaaharnik. Autta ukiutit naammalereerramappata hunngi’vimmi huli’viihinnauharnik huli’viggarriorrinnarialitit. Huli’verni imaagginnarialik taimaaqaternik huleqateqartutit, taimaa taija huli’verni autta ataatsimooqateqaqattartunngujahukkalaatit.

Atuaruk
Matujuk

2

Oqaloqatigiinnermik augdlartitsihuugit

Uuttorgdlugu argdlaat ornigdlugu oqaloqatiiguk, taimaa taija ammahuuneq inuggiarnerruunergdlu takutijaaritit.

Nalornissutiigaanni qanoq oqalunniggaq apeqqummik aperigdluni augdlartittoqarrinnarialik.

Asserruutiigdlugu uku apeqqutiineqarrinnariagdlit:

  • ”Atuareeraangavit huleqattartutit?”
  • ”Arrarajutit?” ammaqaluunniit “Timerrorajutit?”

Autta argdlaannik nuannerrumik oqauheqatsiarrinnarialitit asserruutiigdlugu:

  • “Titartaigdlaqqiggutit.”
  • “Arragdlaqqiggutit.”

Immineergdlutit apeqqutiihinnauharnik ihumaggarriorrinnarialitit hungiuhargdlutigdlu, taija tugdliani ornigugdlutit oqaloqateqaleruit piareerramahutut miheeqqihaujaartutit. Autta uani peraaqatippit oqaloqatiiniggaannut hiunnerruutinik piggarrihinnarialitit.

Atuaruk
Matujuk

3

Qanoq innergdlutit oqauhinngortiguk

Uuttoruk argdlaannut qanoq mihiinernik unikkaorgdlutit. Imaagginnarialik inuit peqateqattaappit nalugaat qanoq innerrutit.

Asserruutiigdlugu imaa pihinnarialitit:

  • “Ilaanni amigauteeqattariga peqateqarniggaq oqaloqateqarniggargdluunniit.”
  • ”Naloqattariga qanoq piaarnergdlunga taimaa mihiiligdlaraangama”

Atuaqaternut oqautiigukku ammaqa paahijaarit atuaqaterni agdlanik autta taimaa mihiihortalik. Autta uuttorrinnariaqarit ilinniartitsihornut oqautiigdlugu. Ammaqa ilinniartitsihut nalunngihalik peraanik ilgdlit peqatiihinnariaqakkannik.

Atuaruk
Matujuk

4

Qanoq innergdlutit oqauhinngortiguk

Inuit tamarraarmik ilaanni innerihutut miheeqattartut, autta tamanna naammattoq.

Mihiissuheq innerineq takkuteqattartoq inuunermi annertuunik agdlanngortoqaraangat asserruutiigdlugu: Qanigihamik annauhaqarramagdluni, igdloqar’vimmut agdlamut nuuggamatigdluni, angajoqqaat aviggamappata, agdlargdluinnarmigdluunniit pihoqarramappat. Pihuni taimaattuni pihariaqarteqattaripput annertoqqihamik taperrerrorneqarneq qanilaarneqarnergdlu, taimaanngippannauk annikigdliornarrinnariaqarmat.

Autta argdlaannik aaliangerramahumik pihortaqanngitsukkalaami innerineq agdliartuluuhaarrinnarialik. Tamanna pihinnarialik ilaquttatit kammalaatitigdlu qanigiharigdluanngigdlugit mihiiguit. Imaagginnarialik mihiihutit ilaquttavit kammalaativigdlu paahihinnaunngikkaatsit? Ammaqaluunniit mihiihutit tuharnaorneqaqattanngigdlutit? Ammaqaluunniit ilaquttavit kammalaativigdlu hoqutiigdluanngikkaatsit? Tamanna mihiissuheq iluanngikkalaargdluni qaangiuteqqeqattartoq. Igdlit ajoquteqanngitsutit, nalilitit aihaneqargdlutigdlu. Kihianni eqqaamagdlugu hulerriaq taimaa mihiihamahamaguit ikajortiggarriorit.

Atuaruk
Matujuk

5

Eqqarrautitit agdlamut haatsikkit

Innerineq pigdlugu eqqarrautit mihiissutsigdlu initugdluinnaleqippata agdlamut haatsianngaarneq iluaqutiihinnariaqarit.

Aggatit atorgdlugit huliaqargdlutit uuttoruk, hiordlu titartaigdlutit, tittargdlutit ammaqaluunniit boorluliorgdlutit kaagiliorgdlutigdlunniit. Ammaqaluuniit timit aulatiguk.

Eqqissihamaarnaqqihanik iliuuheqaramaguit atuakkamik atuarrinnarialitit, pihuttualugdlutit ammaqaluunniit filmimik ihiinnaargdlutit. Ilaiha autta iluaqutigeqattaraat eqqarrautitik mihiissutsitigdlu tittagaggiamut tittargdlugit.

Atuaruk
Matujuk

Allattuiffik

Pappialaq aqerluusarlu. Pappilissami titarnerit sisamat quleriaallugit titarneqarsimapput, titarnerillu sinaanni akuersissutip ilisarnaataanik nalunaaqutserneqarsimapput.

Nuannarisatit katersukkit allattuillutillu

Uannut nuannaalersitsisartut

“Kiserliorpunga”

“Atuarfimmi qiimasarpunga nuannaartuusaarlungalu kisianni misigiuaannarpunga annikilliorlunga. Kammalaatissaaleqivunga atuaqatinnullu peqataalluanngittutut misigalunga, annikillioqaanga. Ikiulaarsinga qanoq iliussaanga?“

Nukappiaraq 11-nik ukiulik.

“Innerihunga“

“Atuar’vimmi qiimaqattartunga nuannaamaargdlungalu kihianni peqataugdluanngitsutut mihiigdlunga, annikigdliortunga. Ikajutsiarringa qanoq pijaartunga?“

Nukappiaraq11-nik ukiulik.

Quiz

Ammalortoq sungaartoq, iluaniippoq nuiaq apersuummik iluaniittortalik.

Kiserliorneq pillugu

qanoq ilisimasaqartiginerlutit misiliguk

Siunnersuutit allat

sapiisilaartarit

Oqaluussaqalaarnissaq ajornartittarpiuk? Misiliisaruit sungiusarlutillu pikkoriffiginerulersinnaavat, taamaammat misiliisarit.

Assersuutigalugu pisiniarfimmiikkuit sulisumut aperisinnaavutit pisiassaq ujakkat sumiinnersoq, atuaqatinnut arlaannut video-aqqamik illarnartumik takutitaqarsinnaavutit, imaluunniit utoqqannguaq aqqusinermi takugukku ikiorlugu, allarluinnarmilluunniit.

Nutaanik misiliigit

Inuuninni allanngortoqassappat annikitsunnguanilluunniit allannguilaarsinnaavutit.

Assersuutigalugu atuarfimmut aqqutigisartakkat allanngulaarlugu, ilaquttatit atuareernermi pulaartarlugit, elevrådinulluunniit ilanngullutit.

Taamaalillutit inunnik allanik naapitsisinnaavutit nuannersunillu misigisaqarlutit.

imminut upperigit

Kiserliorneq misigineqarsinnaasarpoq allat piumasaat malippallaartaraanni.

Assersuutigalugu amerlasuut ilagiumaneqarusullutik imminut tusarnaarnissaminninngaanniit allat piumasaat tusarnaarnerusarpaat. Tamanna kiserliortutut misiginermik kinguneqarsinnaasarmat namminiussuseqarnissarnik, imminut tusarnaartarnissannik namminerlu isummatit annittarnissaanik siunnersorusuppakkit.

Meerarpassuit aamma meeraqatitik namminiussusillit, imminnut tusarnaarsinnaasut namminnerlu isummaminnik annissisinnaasut torragisarpaat.

Nammineq iliuuseqarit

Ilassarsiornissat tunuarsimaarfiginagu ilassarsiortarit. Takorlooriaruk; ilagisatillu tamassi soqutigisassinnik sammisaqaqatigiittusi. Immaqa aneeqatigiillusi, spilleqatigiillusi, timersorlusi, boorlulioqatigiillusi, kaagilioqatigiillusi, allarluinnarnilluunniit, qanoq issava? 

Tsiunnertsuuli adda

Tsapiisilaardatsavuli


Oralivarngaleralaarntsa ajernardidarpii? Misiliisaajarngivid tsuiisardiliddi pikkorngitsiarditsavuli daamaaddimi misiliisarniaa.

Atsertsuuliiddungu pisiniarpimmiiddili tsulisumu apiisinnaavuli pisiatsar pisiaarngusula tsumiinnertser, taa alivaralivi ardaannu videomik iddarnardimi dagilidarartinnaavuli, uppaliinnii qangarnisar aqqusinermi dagiiarngikku igeerdungu, uppaliinnii addaqqitsarmi.

Nulaani misiliiatsiili

Iddi inuuninni addanngordoraajarpad mikikkaajummiddiinnii taa isimararpor addannguivuli.

Atsertsuuliiddungu alivarpimmu aqquliilardakka addanngulaardungu, alivarpii keernasingi ilarulannu pulaardili uppaliinnii elevrådimu ilanngudduli.

Daamaaserdili iinni addani naapilarartsinnaavuli kajiminnardimiddi misiilarardili.

Iddi nammeer uppiisatsavuli

Kiserdeerner misinginerartinnaalarpor adda piimasaad kiitsaarmi maliddarngilaajarngaanni.

Atsertsuuliiddungu amerdakkaajuu addani iijaralerngarngusudduli nammeer dusarnaarnitsaminninngaannii addad piimasaad kiitsaasa dusarnaalerdarngaa. Daamaaddaajangaarnni daminna kiserdeernermi kiinerardarder nammiitsuserarnitsar peerdarder, daamaaddimi tsiunnertsorngusuppakki nammeer iddi dusarnaardatsavuli aamma isummali anniddatsavali.

Mertserderpaddivagaii mertserdi adda nammeer isimmertinnaalor aamma nammeer dalingilor qummu iliilarngaad tsoordu pikkoritsusu iliiddungu.

Nammeer iddi iliuuseraajatsiili

Addani mertserdini ilatsartsiornitsar dunuartimaarpiinangi ilatsartseerniaa, dagerdeerngaatsangi, iijaraliliddi damaqqitsatsi tsorulingilasi tsammingisi. Uppa aneeralingiiddusi, spillerdusi, dimerdordusi, booluleerdusi, kaangiileerdusi addaqqitsaarmiddiinnii, qaner itsava daaminna?

Hiunnerruutit agdlat

Hapiihitsiaqattargdlutit

Oqaluuggaqatsiarniggaq ajornarteqattarit? Uuttoqattarukku hungiuhargdlutigdlu pigdlaqqiggihinnarialitit, taimaammat hungiuharit.

Asserruutiigdlugu pihiniar’vimmiikkuit hulihumut aperihinnarialitit pihiaggaq ivakkat naniinnerroq, atuaqaternut argdlaannut video-aqqamik igdlarnartumik takutitaqarrinnarialitit, ammaqaluunniit utoqqanngaaq aqquhinermi nalaakkukku ikajorgdlugu agdlatugdluunniit.

Nutaanik mihiliigit

Inuunerni agdlanngortoqassappat annikitsunnguanigdluunniit agdlannguitsiarrinnarialitit. Asserruutiigdlugu atuar’vimmut aqquteqattaat agdlanngutsianngaargdlugu, ilaquttatit atuareernermi pulaaloqattargdlugit, elevrådimugdluunniit ilanngugdlutit.

Taimaaligdlutit inunnik agdlanik naapitsihinnarialitit nuannerrunigdlu mihiihaqargdlutit.

Imminut upperigit

Innerineq mihiineqarrinnariaqaqattartoq agdlat piamahaat maligdluinnaligdlarainni.

Asserruutiigdlugu amergdlahiut peqatiijamaneqaramagdlutik imminut tuharnaarniggaminninngaanniit agdlat piamahaat tuharnaaqqihaoqattaraat. Tamanna innerinermik mihiinermik kinguneqarrinnariaqarmat namminiussuheqarniggarnik, imminut tuharnaaqattarniggarnik imminergdlu ihummavit annittarniggaannik hiunnerroramagikkit.

Peraarpaggiit autta peraaqatitik imminiussuhigdlit, imminnut tuharnaarrinnariagdlit imminergdlu ihummaminnik annissihinnaugut nuannereqattaraat.

Imminik iliuuheqarit

Ilaggarriorniggat tunuarramaar’viinngigdlugu ilaggarrioqattarit. Takorgdlooruk; peqatitigdlu tamassi hoqutiihassinnik hammihaqaqatigiittuhi. Ammaqa aneeqatigiigdluhi, spilleqatigiigdluhi, timerrorgdluhi, boorlulioqatigiigdluhi argdlaannigdluunniit, qanorgdlikiaq issava?

Kammalaaterpassuaqaraluarluni kiserliortutut misigisoqarsinnaavoq aamma akerlianik kisimiikkaluarluni kiserliunngitsutut misigisoqarsinnaavoq. Taamaammat kammalaatit amerlassusaat kiserliornerlu ataqatigiittuaannanngillat. Kiserliorneq misigissuseq nuanniitsuuvoq, inuilli tamatta inuunitsinni aqqusaartarparput. Kisianni kiserliorneq inuuninni inittoqqappat iliuuseqarfiginissaa pingaaruteqarpoq.

Qaner kammalaalerakkaajuungalivardiniliinnii kiserdeerdusu misingisorartinnaaler aamma kiddermu kiitsaarmiikkalivardini kiserdiinngitsusu misingisorartinnaavor. Daamaammad kammalaali qaner amerdaliinerti aamma kiserdeerner alaralingiidduaannanngidda. Kiserdeerner misingitsuser kajiminnanngitser, iivi damaqqitsadda daanna aqqusaardarparpu, kisia kiserdeerner inuuninni angikkaajunngorpa iliuuserarpiinitsaa pingaarulerarpor.

Kammalaaterpaggaaqaralaargdluni innerihutut mihiihoqarrinnarialik autta akergdlianik kihermioralaargdluni innerinngitsutut mihiihoqarrinnarialik. Taimaammat kammalaatit amergdlassuhaat innerinergdlu ataqatigiittutoqainnaunngitsut. Innerineq mihiissuheq nuanninngitsuuhoq, inuigdli tamarraatta inuunitsinni aqquhaaqattaripput. Kihianni innerineq inuunerni inittorramappat iliuuheqar’viiniggaa pingaarutilik.

Nuannaarnerulerit

Naasut pingasut. Naasumi siullermi allaqqavoq "hope, tulliani "love" pingajuannilu "faith".

Step 1 of 7

  • Aajuna ullut arfineq-marluk nuannaarnerulernissamut sungiusaat.

    Ullut arfineq-marluk iluani ullormut suliassaqartassaatit, ullut tamaasa suliassaq allanngortassaaq.

    Iliuusissat mobilinni screenshotersinnaavatit. 

  • Ulloq siulleq: Imminut ajunngisaarfigigit

    Ullumikkut una uteqattaarlugu imminut oqaatigisaqattaassavat: “Inuk ajunngitsuuvunga, nuannaarsinnaavunga ikinnguteqarsinnaallungalu.” 

    Iliuusissaq: Pappialamut allattaavinnulluunniit imminut allaffigigit. Tassani illit illiunerit pillugu nuannarisatit allattussavatit. 

misissuineq

Nittartagaq qanoq isumaqarfigaajuk?

Niviarsiaraq mobilerluni sinittarfimmi issiasoq. Mobilip skærmiani Tusaanngap logoa takuneqarsinnaavoq.

Ikioqatigiitta

Meeraqatitit allaffigikkit
Meeraqatitit siunnersukkit

lad os hjælpe hinanden

få hjælp af børn
svar børns breve

SIANERFISSAQ

Tusaanngamut sianerit normu una atorlugu: 80 11 80

Ring

Ring til Tusaannga på nummer 801180.

SMS

Tusaanngamut SMS-erit normu una atorlugu: 1899

SMS

Send SMS til Tusaannga på nummer 1899.

Chat
Chat
Gruppechat
Gruppechat