Quinngasaartinneq

Allagaq

Ikiortissarsi pisariaqartippara, atuarfimmimi qinngasaartittarpunga. Ilinniartitsisukka angajoqqaakkalu oqaloqatigalugit misilinnikuuara, iluaqutaanngilarli. Kisimiittutut aliasuttutullu misigisimaannaavippunga, naluaralu qanoq isiussanerlunga.

Neriuppunga qinngasaartittarneq qanoq unitsissinnaaneringa qanorlu isioruma atuarfimmi nuannaarnerusinnaanersunga siunnersorsinnaagissinga.

Nukappiaraq 11-nik ukiulik

Nukappiaraq
Maani atit e-mailillu allassanngilat
Akissutivit saqqummiunneqarnerata kingorna SMS-imik nalunaarfigineqassavit?
Illit kinaassutsivit isertorneqarnera qulakkeerlugu normu illit sianerfigisavit normua uagutsinnut takuneqarsinnaanngilaq.

Allanit akissutit takukkit
meeqqat

  1. nukappiaraq
    uanga aamma atuarnera tamapajaaq qinngasaartittarnikuuvunga
    oqarnittuut ilinniartitsisut angajoqqaallu oqaloqatiginerat iluaqutaanngilaq, uannut aamma iluaqutaanikuunngilaq.

    Qanoq misigisimanersutit paasisinnaavara, qanorlimi tujorminartigaa.
    Namminermi nikallungarujussuarneq misiginikuuara nuanneeqaarlu taama misigaluni
    Ajuusaarpunga illit aamma kisimiittutut aliasuttutullu misigisutit tusarlugu, taamatummi misigisussaanngilatit.

    Qinngasaartittarallarama oqarfigitittarpunga tusaanngitsuusaarniaannassagikka, kisiannilu tamaasiorneq ajornanngitsuunngilaq. Kisiannili iluaqutaalaarpoq, immaqa misilissinnaagit?

    Atuarfimmulluunniit allamut nuukkumasinnaavutit. Soorunalimi annertuvoq, angajoqqaatillu oqaloqatigisariaqassavatit, kisianni aallaqqaataaneerluni iluaqutaasinnaavoq.

    Angajoqqaalluni nalujuaannanngilaat qinngasaartinneq qanoq sunniitigisinnaasoq, atuarfimmullu nuukkusullutit oqaloqatigilerukkit paasitissavatit qinngasaartinneq qanoq sunniitiginersoq qanorlu initutiginersoq.
    Qinngasaarineq unitsikkuminaassinnaavoq ilaannilu unitsinneqarsinnaanani. Angajoqqaarnut oqaatigeqqissavat paasitillugillu qanoq ilinnut sunniuteqarnersoq.

    Taamaanngippat kammalaatitit oqaloqatigissavatit nuannisaqatigalugillu. Qinngasaarisartut qanillinaveersaarlugit soqutiginngitsuusaarlugillu. Eqqaamassavat sinngagamik qinngasaartaraatsit, ilinniimmi pitsaanerunngillat.
    Neriuppunga iluaqutaalaassasoq, apeqqutsissaqaruillu allakkusukkuit akikutsuussaanga.

    WILL

    //

    Nukappiaraq, 14-nik

    //

  2. hej nukappiaraq 11-nik ukiulik

    Qinngasaartinneq nuanninngisaannarpoq sukkanerpaamillu unitsinneqartussaalluni. Eqqumiigaara angajoqqaatit ilinniartitsisullu oqaloqatigineri iluaqutaasimanngitsoq. Inersimasoq pisussaatitaavoq qinngasaartittoqartillugu iliuuseqassalluni.

    Isumaqarpunga ilinniartitsoq angajoqqatilluunnit oqaluutissagitit, oqaluttuaralugulu qinngasaartittarnerit unitsinneqarsimanngitsoq iluaqutaanngippallu nammineq iliuuseqarnissat siunnersuutigaara. Aap nalunngilara iluaqutaanngitsutut misiginarsinnaasoq killiliinissarlu artornarsinnaasoq.

    Kisianni nipituumik ersarissumillu naameernissat iluaqutaasinnaavoq. Iluaqutaanngippallu imaassinnaasoq arlaata tusaagaatit ikiorlutillu.

    Neriuppungalu akissutigara qinngasaartissaarnissarnut iluaqutaassasoq (uannut ukioq ataaseq affarlu ingerlanerani aaqqippoq)

    H

    //

    Niviarsiaraq, 19-nik

    //

  3. Asasara allattoq.

    Allakkat atuarlugu attortisimaqaanga, meeqqat atuarfiannimi assigusumik misigisaqarnikuugama. Qinngasaartilluni qanoq misigisimanarnersoq nalunngilara, nalunngilaralu immikkoortitaaneq aliasuinnaavinnerlu qanoq misiginarnersoq. Taamaammat misilittakkannik avitseqatigerusuppakkit, qanorlu qinngasaarneqartarnerlu akiorniarlugu iliuuserisinnaasarnik, atuarfimmilu nuannarnerulersinnaanerit pillugu siunnersorusuppakkit.

    Qinngasaartittarallarama paasiuminaatsinnikuuara sooq inuit ilaasa inunnik allanik aliasutsineq nuannarisarneraat. Sukkasoorujummilli takusinnaalernikuuara qinngasaarisartut imminnut nuannarinnginnamik allanut qinngasaarisartut taamaasillutillu namminneq ajornartorsiutitik allanut ingerlateqqittaraat. Kisiannili tamanna utoqqatsissutissaanngilaq, qinngasaartittaraannilu killiliinissaq ikioqqunissarlu pingaaruteqarpoq.

    Qinngasaarinermut akiuiarnermut pingaaruteqarpoq nalunnginnissaa qinngasaarisartut qisuariaraanni aatsaat nuannisartartut. Tamannalu isumaqarpoq qinngasaarisoq tusaanngitsuusaarukku takutillugulu ilinnut sunniuteqarnavianngitsoq pikkunaalliulissaaq allamullu ingerlaqqiiluni. Soorunalimi taamaasiornissaq oqarnittuut oqitsiginngilaq, eqqaamassavalli qinngasaarisartut qisuariarnissat ujartortaraat, qisuarianngikkuilli qinngasaartinnissaq pinaveersaartissinnaavat.

    Nuannaarutigaara angajoqqaatit ilinniartitsisullu pisoq pillugu oqaluttuussimagitit, suliluunniit iluaqutaasimanngikkaluarpat. Ikioqqunissarnut sapinngitsutit takuneqarsinnaavoq, tamannalu ingerlatiinnassavat. Eqqasaatigisinnaavallu atuarfimmi siunnersorti oqaloqatiginissaa, taassumap sakkussanik tunisinnaavaatit, qinngasaarneqarnerlu pinaveersaartinniarlugu iliuuserisinnaasarnik siunnersorsinnaallutit. Tatigisinnaasarnik kammaqarnissat aamma pingaaruteqarluinnarpoq. Nalunngilara qinngasaartittaraanni kammalaatitaartornissaq ajornakusoorsinnaasoq, kisianni meeqqanik allanik oqaloqateqarnissaq atuareererullu kingorna sammisassanut ilaasarneq pingaaruteqarpoq. Kisianni qinngasaartissaarnissarnut nuannaarnerulernissallu anguniarlugu iluaqutissarnik siunnersuummik tunerusuppakkit.
    Inussiarnersuunissaq ammasuunissarlu: qinngasaartittarallarama imminut tatiginnginnikooqaamga meeqqanillu allanik oqaloqateqarnissaq ersigisarnikooqaara. Takusinnaalernikuuarami kammattaartorusukkuma ammasuunissara inussiarnertuunissaralu anguniartariaqarlugu. Qungujulanerulerpunga, allanullu nuannersuunissara aallutilerpara, tamannalu allannguutaarujussuarpoq.

    Soqutigisassarsioqatigiineq: meeraqatillu uattulli soqutigisallik ujartornerulerpakka. Arlaat tusaagukku soqutigisannik eqqaasaqartoq oqaloqatiginissaa anguniartarnikuuara, taamaasillunga takutissinnaalerpara soqutigisaat aamma soqutigisaralugu. Taamaasiorninnilu allanik oqaloqateqarsinnaanissaq pilersippara, qanilaassusermillu pilersitsisinnaalerlunga.

    Iliuuseqarit: qinngasaartittarallarama allat ikiuunnissat utaqqiinnartarnikuuara. Kisianni paasipallannikuuara nammineq iliuuseqartariaqarlunga. Atuaqatikka oqaluunnerulerpakka anitsiarfimmi sunngiffimmilu arlaannik sujumaqatigisalerlugit. Aallaqqaammut artornarnikooqaaq, kisianni aqutsisinnaanermik imminullu tatigisinnaanermik misigilersitsivoq.

    Naammagittartuuneq: Kammalaatitaartornissaq sivisusinnaavoq piffissarlu arritsutut misiginarsinnaalluni. Siuariaateqanngitsutulluunniit misiginngikkaanni naammagittarnissaq tunniutiinnannginnissarlu pingaaruteqarpoq. eqqaamaniarsarisarnikuuara allat uatulli kammassaaleqisartut. Iliuuseqarnikkut inussiarnersuunikkut ammasuunikkullu angusinnaallugit eqqaamaniartarnikuuara.

    Neriuppunga misilittakkakka siunnersuutikkalu qinngasaartissaarnissarnut atuarfimmilu nuannaarnerulernissarnut iluaqutaassasut. Eqqaamassavat kisimiinngilatit ikiuerusuttunik tapersersuerusuttunillu inoqarpoq. Ikioqqunissaq killiliinissarlu aallutiinnarigit, eqqaamallugu atuarfimmi toqqissisimanissaq nuannaarnissarlu pisinnaatitaaffigigakku.

    Inussiarnersumik,

    Ilittulli misigisalik

    Anonymous

    //

    Nukappiaraq, 16-nik

    //

qinngasaarneqartarpit? 
Atuarfimmiittarnerit nuannarinngiliuk?

Kialluunniit qinngasaarneqartarnini kisermaatissanngilaa.

Qinngasaarisarneq pillugu maani siunnersuutinik pissarsisinnaavutit. Siunnersuutit illit nammineq qanoriliorsinnaanersutit kiallu ikiorsinnaaneraatit qinngasaarisarneq unitsinniarlugu.

misissuineq

Nittartagaq qanoq isumaqarfigaajuk?


SIANERFISSAQ

Tusaanngamut sianerit normu una atorlugu: 80 11 80

Ring

Ring til Tusaannga på nummer 801180.

SMS

Tusaanngamut SMS-erit normu una atorlugu: 1899

SMS

Send SMS til Tusaannga på nummer 1899.

Chat
Chat
Gruppechat
Gruppechat