Asanninneq pillugu
siunnersuutit pitsaasut
Asanninner piddungu
tsiunnertsuuli pitsaasu
aparsinissamut ilitsersuut
qanerinnissaq pitsaasuuvoq
Apagaqassaguit qanivit eqqiluitsinnissaa pitsaasuuvoq.
Kigutigissarit, kukkaajarsinnaavutit, tyggegummitorit imaluunniit suersut assingusulluunniit oqummiarlugit. Aamma ajunngilaq bøjleqaraanni.
Tuaviornak
Pingaaruteqarpoq siggut aqitsunnguutinnissai apagassavillu siggui arriitsunnguamik qanilliartornissai – assersuutigalugu misilillugu uluaatigut apaqqaalaaruk.
Taamatut paasisinnaavat aparniakkat aamma aparusunnersoq.
Tuaviornani aparsilluarnarnerusarpoq – sukkasuumillu iliuuseqarnaveersaarluni.
Siggut aqitsut iluartuupput
Aparsinissamut piareersarsinnaavutit, soorlu; siggutit aqilinerussammata siggunut panernanngitsumik liipilaarlutit.
Siggut aqitsut malussajanerusarput taamaammat quinannalaarsinnaasarpoq aamma naliginnaasuuvoq illalaartoqarsinnaasarnera.
Aparnersi ingerlateqqilaarusukkukku…
Qanit ammalaarsinnaavat taavalu apakkavit siggui qulliit alliilluunniit millulaallattaasinnaavatit.
Oqaq ilanngukkusukkaanni…
…sissuerlutit oqqat aqitsunnguutillugu apakkavit qanianukartilaarsinnaavat, taava apakkavit oqaa naapissavat oqqasilu “pinnguaqatigiissapput”.
Pingaaruteqarpoq oqqat apakkavit qanianut iserterujussuannginnissaa qarfeertitsisinnaammat.
Aamma pingaaruteqarpoq sivisuallaamik kunissuutinnginnissaq. Qanermi panertorujunngorsinnaavoq imaluunniit qulliarnarluni – taanna nakernarpallaanngilaq.
Misileraaguit pitsanerulersinnaavutit
Aparsillaqqisserusukkaanni sungiusarneq pitsanngortitsisarpoq.
Misileraagit, apakkat qanoq iliornersoq maluginiaruk iliuusaalu malillugit iliorlutit.
Kinaluunniit aparsinermik sungiusaqqaalernermi aparsillaqqinnerpaajuneq ajorpoq
Aamma marluulluni qanoq tulluartumik aparsinnaanerluni sungiusagassaasarpoq.
Taamaammat tunniutiinnarnaveersaarit!
kuninnitsamu tsiunnertsuu
Qanivi tsalitsimanitsaa pingaarulerarpor
Neqqisili tsalitsavali kukkaajardili, orngulungatsiarmi uppaliinnii ardaat tsukkuara orummiatsava, aamma ajinngilar bøjlerartimaajarngivi.
Nugiitsanngaali
Pingaarulerarpor tsikki ariiarngaarngala kunilatsaviddi tsikkivi tsukkanngikkaajummi qaniddiarderdungu – atsertsuuliiddungu misiliddungu uluaalingi apaqqaarngaatsangi.
Daaminna paasitsava daaddima aamma kunikkusunneraali.
Nugeernani kuniddaqqitsiinarder – tsukkakkaajimmi pinaveertsaatsavuli.
Tsikki aqikkaajuu piddivarnarpu
Kuninnitsamu piarngeertsartsinnaavuli, tsoordu; Tsikkili ……..tsikkinu panernanngitsimi liiberngaatsili.
Tsikki aritseerngaarngaarala malinginniddaqqitsiilardi daamaamma quinannalaartinnaalarpor aamma nalinginnaasuuvor iddalaartinnaaner.
kuninnerti eerdaleqqilaarngusuujarngikku….
Qanii ammaamisaartinnaava daa kunilavi / appakkavi tsikkivi quddii addiidduunnii middivaddaddaartinnaavali.
Alidduuli ilanngukkusutsangilarngikku
…..misiidimaqqitsardili alidduuli arikkaajaajinngivardivarmi kunilavi / apalavi qanianugardilaartinnaava, daa daaddima alidduulaa naapitsava daa mardiiddusi alidduulisi “pinngivarngalingiitsappu”.
Pingaarulerarpor alidduuli kunilannu / apalavi qanianu pulalerujutsuatsanngikki qaner qappialaalernartinnaaler.
Aamma pingaarulerarpor tsivisukkaammi kunitsuulinnginnitsar, qaner panikkaajunngortinnaaler uppaliinnii uitsalili quddiilertinnaalili daanna kajiminnanngitser.
Misiliddaraddaardarngikku pikkorngippiiardilertinnaava.
Kuniddiddaqqitsiiarngusukkaanni tsuiisarner pitsanngordidilarpor.
Misileraarniaa, kunila qaner ileernertser malungitsava iliuusaa maliddungu ileerduli.
Kialiinnii kunitsinermi tsuiisaqqaalaarnermi pikkornginnerpaaner ajerpor.
Aamma mardiiddisi qaner dudduardimi apartsinnaanerdisi tsuiisangatsaalarpor.
Daamaaddimi dunniiliinnarnaveertsaatsavuli!
Misilitassaq
Inequgisat qanoq qAnillisinnaanerlugu nalornivit?
Uummatikkut anniarpit?
Misigissutsitit misigikkit
Qimassimatilluni aliasunneq naliginnaasuuvoq.
Aamma misigissutsit allat misigineqarsinnaapput. Assersuutigalugu oqilisutut misigisoqarsinnaavoq, kamalluni, aliasulluni, kiserliorluni, nuannaarluni imaluunniit paatsiiveerusimaarluni. Pingaarnerpaaginnarpoq eqqaamassagit qanorluunniit misigigaluaruit ajortuunngimmat.
Misigissutsitit qimarratiginagit inissaqartikkit. Isumassarsiatsialaasinnaavoq eqqarsaatit misigissutsillu allaganngorlugit anisinnissai, taamatut eqqarsaatit allat inissaqarnerulersinnaammata. Oqaasinnguinissarnut sungiusarusukkuit uani allakkamik allallutit misilissinnaavat: Allakkamik allagit
Qanoq misiginerit allanut oqaatigisaruk
Amerlasuut iluarisarpaat misigissutsiminnik annissuiffissaqaraangamik. Ikinngutigilluakkamuusinnaavoq, angajoqqaanut imaluunniit arlaannut annissuiffigerusutamut. Aamma Tusaanngamut sianersinnaajuaannarputit 801180-mut SMS-erlutilluunniit 1899-mut. Aamma maani chatikkut allaffigisinnaavatsigut.
Immaqa nalunngisaqarputit qimannermik misigisaqarnikumik illillu qanoq inninnik paasinnilluarsinnaasumik. Paasineqartutut misigineq iluaqutaasinnaasarmat taanna aamma oqaloqatigiumasinnaavat.
Nuannarisatit sammisakkit
Uummatikkut annersimagaanni qiimmassalaarnissaq iluaqutaasinnaasarpoq.
Isumassarsiat uku atorsinnaavatit:
Immaqa ikinngutitillu filmerrassinnaavusi imaluunniit serie arlaat isiginnaarlugit. Nerisassat mamarinerpaasatit nerisinnaavatit. Imaassinnaavoq aamma timersortaruit allanilluunniit eqqarsaatinut allanut saatitsisinnaasunik sammisaqarlutit.
Misissuinerit takutippaat timimik aalatitsineq nuannaarnerulersitsisartoq. Taamaammat qimannermik misigisaqarsimaguit sinittarfinniik anillallutit timivit atornissaa eqqaamasaruk aliasunnernut iluaqutaasinnaammat.
aappakut takunaveersaaruk
Nalunngilarput qimasimmalluni nuannerpallaarneq ajortoq. Taamaattumik ilaannikkut aapparisimasavit ungasillilaarnissaa iluaqutaasinnaavoq.
Assersuutigalugu takusarunnaarallarsinnaavat, allaqatigiittarunnaarlusi imaluunniit aamma aapparisimasat Facebookikkut, Instagramikkut Snapchatikkullu malinnaaffigiunnaarlugu.
Aapparisimasavit marserneranut piffissat atornarveersaaruk. Taamaalillutit piffissaq ilinnut nuannaalersitsisartunut saatsissinnaavat. Nuannaarutigisartakkatit eqqaamanerussagakkit uani katersorsinnaavatit: Nuannaalissutigisakkanik allattuiffik
Eqqaamajuk: aliasuinnaavinnaviannginnavit
Uummatikkut anniarluni misiginarsinnaasarpoq anniarneq qaangiuteqqinngisaannassasoq, kisianni qaangiuttarpoq.
Ullut ataasiakkaakkit, piffissap ingerlanerani oqileqqikkumaarpoq.
Qimanneq piffissap ingerlanerani oqiliartulertarpoq, aamma misigisassat nuannersut allat takkussuuttarput.
Uummalikku anniarpi?
Misiitsulili misingiiatsiili
Qimatsimaajarngaanni aliasunner nalinginnaasuuvor.
Aamma misingitsuli adda misiinerartinnaappu. Atsertsuuliiddungu tsoordungaa oriliddini, kamaddini, aliatsudduni, kiserdeerduni, kajimiddeerdini uppaliinnii paatsiveerngusimaardini.
Pingaarnerpaavor eqqaamatsaddungu qanerduunnii misingiiarngivid ajerdunngilar.
Misingitsutsili qimaqqaliitsanngaali initsararditsavali. Aamma isima nulaar daddaasinnaavor misingitsuddili addaddungu, daaminna eqqartsaali adda initsaralitsappu, oraasinnguinitsamu tsuiisarngusuujarngivi uaningaa addakkami addadduli misilitsinnaava:
Qaner misiisimanerdili addanu oraaliisarniaa
Amerdakkaajuu piddivaalidarpaad misingitsuddiminni anitsuippiddaraajarngaarngami. Kammalaalinnuusinnaavor, angajoqqaanu uppaliinnii ardaannu iddi daliilannu. Aamma Tusaanngamu tsianertsinnaajuaannarpuli 80 11 80-mu SMS-erduliddiinnii 1899-mu. Aamma maani chat-ddikku addaannartinnaavuli.
Uppa nalinngisararpuli qimannermi misingisarartimalimi iddi qaner inninni paasinnidduartinnaalimi. Paasinerardusu misingiiarngaanni iluarulaasinnaasarpor daanna aamma oralivarngalingiumasinnaavad.
Kajimmiilali tsammisatsavali
Uummalikki annertimaajarngaanni qiimmatsarnitsar iluarulaasinnaalarpor.
Isima nulaa uguad alersinnaavali:
Uppa kammalaaliliddu filmeralingiitsinnaavusi uppaliinnii serie ardaa isinginnaardungu. Niisatsad mamaanerpaalali niisinnaavali. Imaatsinnaaler aamma dimertsordaajarngivi uppaliinnii addani iddi eqqartsaalinnu addamu eqqartsalerditsisinnaasumi tsammisarardili.
Misitsuinii takilippaa dimimi aalatitsiner kajimiddeerditsilerdarder. Daamaamma qimanner misingisimaajarngikku ilanngaappiisannunngaanniid aniddaajardili dimivi alernitsaa, qaner eqqaamatsangi dimertsorner aliasunnermu iluarulaasinnaalor.
Unaruliisimala taginaveertsaatsava.
Nalinngilarpu qimatsimaajarngaanni kajiminnarner ajerdor. Daamaaddimi ilaanni unaruliisimadavid uasiddilaarnitsaa iluarulaasinnaavor.
Atsertsuuliiddungu dagisarngunnaardungu addaralinginangi uppaliinnii aamma unaruliisimala facebookimi, Instagrammimi Snapchat-imi malinnaappiiunnaardungu.
Unaruliisimasavi martiiarpali pippitsar daaminna alernaveertsaatsava. Daamaaserdili pippitsar ilinnu kajimiddeerditsilardunu alertsinnaava. Kajimiddeernguliilardakkali eqqaamanernguujatsangikki uaningaa kalertsortinnaavali: Kajimidiilitsuliilardakkannu addadduippi
Eqqaamatsava: aliasudduaannarnavianngitsili
Uummalikki annerduni misiinartinnaavor tsoordungaa anniarner qaangiuleqqitsanngitser, kisia qaangiiddarpor.
Uddu alaasiakkaatsavali, pippitsar eerdanerngani orileqqikkumaarpor.
Qimanner pippitsap eerdanerngarni oriliardilerdarpor, aamma qaner misingisatsa kajiminnardi adda dakkiddardi.
misissuineq
Nittartagaq qanoq isumaqarfigaajuk?
