/
Malugiuk
Meeqqat inuusuttuaqqallu imigassartornissaat innersuussutiginngilarput, taamaakkaluartoq imigassartussallutit aaliangersimaguit – ulorianannginnerusumik imigassartornissamut siunnersuutit ataani allassimasut atuarsinnaavatit.
Eqqarsaatinik artornartunik eqqarsaateqaruit imigassartornak
Misigiguit aliasullutit, nuanniilliorlutit imaluunniit imminut toqunnissamik eqqarsaateqaruit pingaaruteqarpoq imminut paarinissat.
Imigassaq misigissutsinut artornartunut ajoqutaakkajuttarpoq, inuunerlu aatsaat iluamik artornarsisissinnaasarlugu.
Eqqaamajuk oqaasinnguineq iluaqutaasarmat. Imigassartunngikkaluarlutit tatigisarnut oqaasinnguisinnaavutit; ikinngutinnuusinnaavoq, ilaquttannut imaluunniit oqarfigerusutavit arlaannut.
Oqaloqateqarnissannik pisariaqartitsiguit Tusaannga sianertuaannarsinnaavutit normumut 801180-mut, SMS-erlutilluunniit 1899-mut.
Aamma maana chatikkut allafigisinnaavatsigut. Tusaannga ullut tamaasa, ulloq unnuarlu ammajuaannarpoq.
Kisimiinngilatit.
Aanngajaarniutit pillugit
video takuuk
Aanngajaarniutit suuppat, qanoq ilinnut sunniuteqartarpat qanorlu iliussavit? Paarisa-p aanngajaarniutit pillugit isiginnaagassiaaraliaa takuuk, taakkulu apeqqutit akissutissarsillugit.
imigassaq pillugu
siunnersuutit pitsaasut
Pingaarutilik
Ikinngutit imigassartorpallaarsimalluni imminut aqussinnaajunnaarsimappat imaluunniit nuanniilliorpat ilorraallannissaata qaatusimalernissaatalu tungaanut ilagiuk. Aamma inersimasumut tatiginartumut ikiortissarsiorsinnaavutit.
misilitassaq
ImigassaQ pillugu qanoq ilisimasaqartigivit?
ikinnguteqarpit artorsaateqartumik imigassartortartumillu?
Taava immaqa ikiorneqarnissani pisariaqartippaa. Imigassap misigissutsit artornartut oqimaannerulersissinnaavai, taamaammallu ulorianartumik kinguneqarsinnaalluni.
Ikinngutit imatut ikiorsinnaavat:
- Oqaloqatigiuk: Qaatusimanerani oqaloqatigiuk. Ernumagalugu tapersersorlugulu paasitiguk.
- Tapersersoruk: Kisimiittutut misiginnginniassammat pisariaqartitsinerani ilangisaruk.
- Ikiorneqarnissaanut siunnersoruk: Inersimasumik oqaloqateqarnissaanik kaammattoruk, piumappallu Tusaanngamut sianequsinnaavat/allaqqusinnaavat. Tusaannga 801180-mut sianerfigineqarsinnaavoq 1899-mulluunniit SMS-erluni. Aamma maana chatikkut allaffigineqarsinnaavugut. Tusaannga ukioq kaajallallugu, ulloq unnuarlu ammajuaannarpoq.
- Imminut paarigit: Ikinngutip ajornartorsiuteqartup ikiorniarnera sakkortusinnaasarpoq. Illit nammineq ajunnginnissat siullertut pingaarnerpaasussaavoq. Imminut eqqaamagit namminerlu suut pisariaqartinnerlugit maluginiartakkit.
Ikinngutinnut tapersersuinerit allanngueqataanermik annertuumik pilersitsisinnaavoq.
ilitsersuut
Siullerpaamik imigassartulerpit?
Killissatit eqqumaffigisakkit; naameersinnaavutit
Peqqissuseq paarilluassagaanni inuusuttuaraalluni imigassap tungaatigut killissat maluginiarnissai naameersinnaanissarlu pingaaruteqarluinnarput. Qanoq iliornissamut siunnersuutit ilaat ukuupput:
Killissatit ilisimakkit
Maluginiaruk qanoq annertutigisumik imigassartoraangavit ilinnut naammattarnersoq, tamatsinnummi assigiinneq ajorpoq. Taava taakku imertakkatit sinnerlugit imernaveersaartarit, aamma naameernissaq ajunngilaq.
Akissutissatit piareersartakkit
Imigassartoquneqassagaluaruit naameernissannut akissutissatit piareersariikkit, soorlu oqarsinnaavutit:
“Naamik ajunngilaq, perusunngikkallarpunga” imaluunniit
“Unnummut uanga imigassartorusunngilanga”.
Tapersersorneqarit
Ikinngutit illit imigassartortarusunnginninnut imaluunniit imigassartorpallaartarusunnginninnut ataqqinnittut tapersersuisullu ilagisakkit.
Aaliangiusimagit
Ersarissumik aaliangiusimallutillu naameertarit. Ajuusaartariaqanngilatit.
Timit maluginiartaruk
Toqqissisimajunnaaruit imigassartornerit unitsikkallaruk. Arlaannik ajortoqaraangat timerput nalunaaruteqartarpoq, taamaammat timerput tatigisassaavoq.
Inersimasumut imaluunniit Tusaanngamut ikioqqugit
Imigassartornissannut uteriiserfigineqartutut misigiguit imaluunniit imigassartorfiusumi qanoq iliornissat nalornissutigisarukku pitsaassaaq inersimasumik tatigisannik oqaluussaqaruit.
Aamma Tusaannga sianerfigineqarsinnaajuaannarpoq normumut 801180-mut imaluunniit SMS-erluni 1899-mut. Aamma maana chatikkut allaffigisinnaavatsigut. Tusaannga ulloq unnuarlu ammasarpoq, ukioq kaajallallugu.
Killitit allallu killiliussaat ataqqikkit
Imigassartorsimatilluni nammineq killissat maluginiarnissaat inuillu allat killiliussaannut ataqqinninnissaq pingaaruteqarpoq.
Eqqaamasassat pingaarutillit ataani atuarsinnaavatit:
Inuit allat killiliinerat ataqqiuk
Eqqaamajuk illit iliuutsitit oqaatsitillu allanut sunniisinnaammata. Taamaammat allat piumanngippata sunnerniarnaveersaakkit
naameertoqarpat ataqqiuk
Arlaat piumanani naameerpat uteriiffiginagu ataqqiuk.
Pisariaqartikkukku ikiorneqarit
Illit toqqissisimajunnaaruit imaluunniit allat toqqissisimanngitsut naapissagaluarukkit ikiortissarsiorit. Ikinngutinut, qanigisanut imaluunniit angajoqqaanut. Kikkut tamarmik toqqissisimanissaat pingaaruteqarpoq.
Aamma Tusaannga sianerfigineqarsinnaajuaannarpoq normumut 801180-mut imaluunniit SMS-erluni 1899-mut. Aamma maana chatikkut allaffigisinnaavatsigut. Tusaannga ulloq unnuarlu ammasarpoq, ukioq kaajallallugu.
ilitsersuut
Imigassatoraanni timimi qanoq pisoqartarpa?
ilitsersuut
Misissuineq
Nittartagaq qanoq isumaqarfigaajuk?
