Imminut toquttarneq pillugu
Video isiginnaaruk
IMMINUT TOQUNNissaMIK EQQARSAATeqartarpit?
Allanit paasineqarsinnaanngitsutut misigisimallutit kiserliortarpit?
Soorlu suut tamarmik qamani annernartut imaluunniit nuannaaqqilersinnaanngitsut misigisarpit? Inuilluunniit arlaat ima maqaasitigisarpiuk allaat maqaasiunnaarsinnaanngitsutut misigisarlutit?
Aliasukkaanni kisimiittutullu misigisimagaanni ilaanni inoorusukkunnaarnermik kissaateqarneq takkussinnaasarpoq. Eqqarsaatit taamaattut ilaanni takkuttarput tammartarlutillu, ilaannili uninngaannalertarput ulluinnarnilu inuuneq assut nuannerunnaartittarlugu. Artorsarnermi eqqarsaatit taamaattut massakkorpiaq iliuuseqarfiginissai eqqaamassallugu pingaaruteqarpoq.
Allat ilittulli taamatut misigisinnaasarput. Taamatut misiginermi pingaarnerpaavoq ikiorneqarnissaq.
imminut toqunnissamik eqqarsaateqaruit
Siunnersuutit pitsaasut
Immii torunitsaani eqqartsaaleraajangivi
tsiunnerdiili ajinngitsi
Imminut toqunniggamik eqqarrauteqaruit
hiunnerruutit ajunngitsut
Allakkianik allagit
Imminut toqunnissamik eqqarsaateqaruit inersimasumut oqaluttuarnissat pingaaruteqarpoq. Allakkat ugguuna immersukkit inersimasumullu toqqissisimaffigisannut takutillugit.
Sooruna Artorsaateqaruma OQALOQATEQARTARIAQASSASUNGA?
Qanoq innerit oqaatigineq ajorukku inoqativit nalusinnaavaat qanoq innersutit, taamaalillunilu ikiorneqarnissat ajornarnerussalluni.
Imaassinnaavoq qanoq innerpit oqaasinngortinnissaa ajornartittarit.
Kisianni oqaasinnguineq nuannaarnerulernissannut aqqutissiuussisinnaammat, artornarsinnaasut oqaasinngornissaannut siunnersuutivut uani atuarsinnaavatit.
oqaloqateqarneq iluaqutaasarpa?
AAP! Artorsartilluni inoqatinik oqaloqateqarneq iluaqutaasarpoq, makkua peqqutigalugit:
- Misigissutsit aniatinneqartarput: Nammineq qanoq innerit oqaluttuarigaangakku eqqarsaatit oqimaatsut oqilisutut ittarput aamma iluaallattutut misigisinnaavutit.
- Isumassarsiat nutaat: Inuup allap pisunut allaanerusumik eqqarsalersissinnaavatit ingerlariaqqinnissannullu iliuusissanik pitsaasunik isumassarsitinneqarsinnaavutit.
- Ikiuineq aamma tapersersuineq: Inoqatinnik oqaloqateqaraangavit oqaloqatigisavit pakkussinnaavaatit, tuppallersarlutit taamaaliornerisalu illit eqqissisimanerulersillutillu nuannaarnerulersissinnaallutit.
- Kisimiittutut misiginerit annikillissaaq: Ikinngutinik oqaloqateqarneq ataatsimoornertut aamma isigineqarsinnaasarpoq tamannalu kiserliorunnaaminermik misigititsisarpoq.
Qanormi oqaasinnguisoqarsinnaava?
Oqaasinnguinissat ajornartikkukku, ima aallartillutit oqarsinnaavutit:
“Oqaasissaqaraluarpunga.”
Taava taanna inuk oqaloqatigerusutat tusarnaarnissaminut piareersassaaq immaqalu oqaluttuarniassagavit aperisarlutit.
Artorsinnaasunik oqaloqateqarnissaq pillugu siunnersuutit:
- Sumiiffimmik eqqissisimanartumik nassaarit: Sumiiffimmik nuannersumik toqqissisimaffigisassinnik nassaarit.
- Oqaatsit illit qanoq inninnut nassuiaasut atukkit: Soorlu makkua oqaatigisakkit: “Misigisimavunga…” imaluunniit “Eqqarsarpunga…”, taamaalillutit nammineq misigissutsitit eqqarsaatitillu pineqassapput.
- Unneqqarissuugit: Ilumoortut oqaluttuarikkit, allat illersorniarlugit toqqortigaqartariaqanngilatit.
- Naammagittarit: Artornartut pillugit oqaloqatigiinneq sivisusinnaasarpoq, taamaattumik oqaloqatigiinnerup nalaani naammagittarit.
- Misileeqqigit: Oqaluttuarsimagaluarlutit paasineqanngitsutut misigiguit pingaaruteqarpoq qanoq misiginivit oqaasinngorteqqinnissaa. Inummut allamuusinnaavoq pingaarnerpaanginnarpoq misigissutsivit kisermaatinnginnissai.
Artorsaatitit oqaasinngunngikkaluarlugit aamma allatut aniatissinnaavatit
Artornartut oqaloqatigiissutaajuaannartariaqanngillat. Allatut aamma artorsaatinik aniatsitsisoqarsinnaavoq, soorlu allalluni, titartaalluni, nipilersorluni, timi aalatillugu pinngortitamiillunilu. Pingaarnerpaaginnarpoq artorsaativit aniatinnissaannut iluaqutiginerpaasat nassaarissagit aallullugulu.
Assersuutit ilai aajukua:
- Allanneq: Ullorsiutinut allassinnaavutit taalliorlutilluunniit nammineq pigisassannik imaluunniit allatat inummut tatigisannut tunniullugu.
- Titartaaneq/ qalipaaneq: Titartaallutit imaluunniit qalipaallutit eqqumiitsuliornerit aqqutigalugu misigissutsitit artornartut aniatissinnaavatit.
- Nipilersorneq: Nipilersuutit misigissutsinut tulluartut tusarnaarsinnaavatit imaluunniit nammineq misigissutsinik anitsiniarninnut iluaqutigigukkit nipilersorsinnaavutit erinarsorlutilluunniit.
- Pakkussineq: Asasamik pakkusimaagaqarneq misigissutsit oqilinissaannut iluaqutaasarpoq.
- Pingortitaq: Pinngortitami pisunneq imaluunniit pinngortitaq isikkivigalugu nipaatsumi issiaarneq eqqissisitsisinnaasarput misigissutsillu oqilinissaannut iluaqutaasinnaasarluni.
- Timi aalatillugu: Timimik aalatitsineq timersornerlu sorpassuartigut iluaqutaasarput, aamma misigissutsinik artornarsinnaasunik aniatitsissutaasinnaapput.
Kina oqaloqatigisinnaavara?
Oqaloqateqarusukkuit inuppassuarnik toqqarsinnaasannik ulikkaarputit.
Angajoqqaatit, aanakkutit/aatakkutit, qatanngutitit imaluunniit ilaquttavit arlaat. Aamma inersimasoq alla illit nuannarisat tatigisallu soorlu sungiusaasoq, ilinniartitsisoq allaluunniit saaffigisinnaavatit.
Tusaanngamut sianersinnaajuaannarputit 801180-mut, SMS-erlutilluunniit 1899-mut, maanaluunniit chat-ikkut allaffigaluta. Allamik tatigisaqanngitsutut misigigaluaruilluunniit saaffigisinnaajuaannarpatsigut.
Tsoor ardortsaaleraajarngima oralivaraleratsuua?
Qaner misiisimanerdili oraaliiner ajiijarngikku eeralivi nalitsavaa qaner misiitsulerarnertili, taa igeernerarnitsa taamaaserdini aamma tsuli ajernardiitsavor.
Uppa qaner misiisimanertili oraasinngordinnitsaanu ilinnu tsapernarder.
Kisia qaner misiisimanerdini oraaliisarngaanni kajimmiddeener angiliilarder, taa aqqulitsar tsapernanngitsiiler, kisimiddiinni ardortsaaleraajarngaanni qaner iserdini oraaliinitsaanu tsiunnertsuuli uaningaa alivartsinnaavali.
Oralivaralerarner iluarulaalarpa?
Ii-i, ardortsaaleraajarngaanni oralivaralerarner iluarulaakkaajuularpor, uguanaa peqquliiddungu:
Kiitsaarmiiddili misingitsulerarnii mikikkaajunngutsavor: Kammalaalinni oralivaralerarner aamma alaatsimoornerdi iliinerartinnaavor, taa kiserdiorduli misiisimajunnaatsavuli.
Misiitsuddi anialinnerardarpu: Nammeer qaner misiitsulerarnerdili oralidduaajarngaarngavi taa eqqartsaalili kernimakkaajuu tsoordungaa kernimangunnaardardi, aamma iluaaddadduli misiidduli.
Isimad nulaad: iip addap pisunu addaaluuluni eqqartsaalitsannu tunisinnaavaali, eerdaqqinnitsannuddu isimad nulaad taakkivad ajinngitsimi isumatsannu tunisinnaavaali.
Igiiviner aamma tapertsertsuiner: Eeralinni oralivaraleraajarngaarngavi oralivaraliilavid pakkutsinnaavaali /eritsinnaavaali, tuppaddertsarduli taa iddi eqqitsiliitsavuli kajimiddiilerdiliddi.
Qani taa oraasinnguisorartinnaaler?
Oraasinnguinitsa tsapernardiiarngikku, iminnangaa aaddarditsinnaavuli: “Oraalitsarangar`livarpua”.
Iik oralivaraleerngusuddungu orarpiisa tusarnaarnitsaminu taa piarngeertsalitsavor, uppa apiisinnaavor iddi oralidduarnitsa piddungu.
Ardornartsinnaalini oralivaralerarnitsar piddungu tsiunnertsuuli:
- Tsumiippimmi eqqitsisimanardumi natsaatsavuli: Tsumiippimmi kajiminnardimi iddeqqitsar toqqitsisimappiisinnaasannu natsaarngaatsiili.
- Oqaatsi iddi qaner misiisimaninnu natsuiaasinnaasu alitsavali: Tsoordu uguanaa oraaleerngaatsiili: “Misiisimavua…” uppaliinnii “Eqqartsarpua…”, taaminna aaddardiiarngivi taa iddeqqitsar misingitsulili aamma eqqartsaalili tamatta pivarpu.
- Ilumoorduutsavuli: Ilivameerdimi misiilali oralidduaakki, iivi adda idderdutsanngaali aamma toqqordingarardaajaranngaali
- Naammangiddarniaa: Qaner ardornardi piddungu oralivaralingiinner tsivisukkaajuusinnaasor, daamaaddimi oralivaralingiinnermi naammangiddarnitsar pingaarulerarpor
- Misileeqqiiatsiili: Tsoornasingi oralidduartsimangalivardili misiisimaajarngivi paasineranngitsoortimaddili taa pingaarulerarpor qaner misiinivi oraasinngordeqqinnitsaanu misileeqqinnitsa. Iimmu addamuusinnaavor, pingaardiivor iddi misingitsulili kiitsaarpi piitsanngikkili.
Artortsaalili oraasinngordinngikkaluartungu aamma iimmu addamu addasu ileerduli anialitsinnaavali
Qaner ardernardi kiitsaarmi oralivarnikku anilaajaranngitsi. Iinnu addanu aamma ardortsaalini aniatitsisorartinnaaler, tsoordu addadduni, tilardaadduni, nipilertsorduni, dimi aalaliddungu pinngortilamiidduniliinnii. Pingaardiivor ardortsaalivi anisinnitsaa iddeqqitsar iluaruliinerpaasa naddaarngitsava alertungulu taaminna.
Aajiguanaa atsertsuuli ilaad:
- Addanner: Uddortiilini addatsinnaavuli, daaddiorduli nammeeqqitsar piisad uppaliinnii addala iimmu daliilannu tunniuddungu.
- Dilardaaner / Qalipaaner: Dilardaadduli uppaliinnii qalipaadduli ardaanniddiinni eqqumiitsuleerdili ardornardimi misiilali aniddadditsinnaavali.
- Nipilertsorner: Nipilertsuuli misingitsutsimu dudduardid tusarnaartinnaavali uppaliinnii nammeer iluaruliisinnaasa naddaarnginiartsaardungu nammeer nipilertsortinnaavuli erinartsorduliddiinnii.
- Eritsiner / Pakkutsiner : Asasaq eriddungu misiitsuddimu orilisaanitsamu iluarulaalarpor.
- Pinngordilar: Pinngordilami pisidduarner uppaliinnii pinngordilar iliiddungu niparanngitsimiiddini itsianer iluarulaalarpor
- Dimi aalaliddungu: Dimi aalaliddungu dimertsorner kiserpaddivagainni iluarulaalarpor, aamma misiitsuddi ardornardu dimertsornikku anialinnerartinnaappu.
Kia oralivaraliisinnaavarnga?
Oralivaralerarnitsa pilarngiarardiiarngikku iippaddivagainni toqqartsinnaasanni ulukkaarpor. Angajoqqaali, aanaakkuli / aataakkuli, qalanngilili uppaliinnii ilarulavi ardaad. Aamma inertsimasor adda iddi kajiimisad daliilad tsoordu uppa tsungiisaasor, ilinniarditsisor addaluunnii tsaappiisinnaavad.
Tusaanngamu tsianertsinnaajuaannarpuli 80 11 80-mu, SMS-ertuliddiinni 1899-mu uppaliinnii maana chat-ddikku addadduli. Qaner addami daliilaranngitsulu misiingalivarngividdiinnii uiiddinnu tsaappiinnitsinnaaluaannardili.
Hioq artorrauteqaruma oqaloqateqartarialinga?
Qanoq innergdlutit oqautiineq ajorukku inoqativik naluhinnariaqaraat qanoq innerrutit, taima taija ikajorneqarniggat ajornaqqihaujaargdluni.
Imaagginnarialik qanoq innerpit oqauhinngortinniggaa ajornarteqattarit.
Kihianni oqauhinnguineq nuannaaqqihanngorniggarnut aqqutiggiuihinnariaqarmat, artornarrinnariagdlit oqauhinngorniggaannut hiunnerruutivut uani atuarrinnariaqaritit.
Oqaloqateqarneq iluaqutaoqattartoq?
IIH! Artorrarnermi inoqatinik oqaloqateqarneq iluaqutaoqattartoq, makkaa peqqutaugdlutik:
- Mihiissutsit aniatinneqaqattartut: Imminik qanoq innerit unikkaarigaangakku eqqarrautit oqinngitsut oqilihutut ileqattartut autta iluarriagdlattutut mihiihinnariaqartutit
- Ihumaggarriat nutaat: Inuup agdlap pihunut agdlaqqihamik eqqarralerrigginnariaqaraatit ingergdlariaqqinniggarnugdlu iliuuhigganik pitsauhunik ihumataartinneqarrinnarialitit
- Ikajuineq autta taperrerruineq: Inoqatinnik oqaloqateqaraangavit oqaloqatiihavit pakkutaorrinnariaqaraatit, tuppagdlerrargdlutit taimaaliornerihalu igdlit eqqissihamaqqihanngortigdlutigdlu nuannaaqqihanngortigginnariaqaraatit.
- Kihermiortutut mihiinerit annikigdliaartoq: Ikinngutinik oqaloqateqarneq ataatsimoornertut autta ihiineqarrinnariaqaqattartoq tamannalu kihermiorunneernermik mihiititseqattartoq.
Qanormi oqauhinnguihoqarrinnarialik?
Oqauhinnguiniggat ajornartikkukku, imaa augdlartigdlutit oqarrinnarialitit: “Oqauhiggalikkalaanga.”
Taija taunna inuk oqaloqatiijamahat tuharnaorniggaminut piareerrajaartoq ammaqalu oqaluttuajaaravit aperruloqattargdlutit.
Artornarrinnarialinnik oqaloqateqarniggaq pigdlugu hiunnerruutit:
- Nanii’vimmik eqqissihamanartumik ivargdlerit: Nanii’vimmik nuannerrumik toqqissihama’viihinnauharnik ivargdlerit.
- Oqautsit igdlit qanoq innernut tunngahut atukkit: Hiorgdlu makkaa oqautiikkit:“Mihiihamahunga”… ammaqaluunniit: “Eqqarrartunga”…., taimaaligdlutik immineq mihiissutsitit eqqarrautitigdlu tassani pineqajaartut.
- Ilumoortumik oqaluttuarit: Ilumoortut oqaluttuarikkit, agdlat igdlerrornialugdlugit toqqortigaqartariaqanngitsutit.
- Naammagittarit: Artornartut pigdlugit oqaloqatigiinneq hivihuhinnarialik, taimaattumik oqaloqatigiinnerup nalaani naammagittarit.
- Uuttoqqiguk: Oqaluttuarramagalaargdlutit paahineqanngitsutut mihiiguit pingaarutilik qanoq mihiinerpit oqauhinngorteqqinniggaa. Inummut agdlamuuhinnarialik, pingaaqqihauginnartoq mihiissutsivit kihermautinnginniggaat.
Artorrautitit oqauhinngunngikkalaargdlugit autta agdlatut aniatigginnariaqaritit
Artornartut oqaloqatiissutauhutoqainnaauhariaqanngitsut. Agdlatut autta artorrautinik aniatitsihoqarrinnarialik, hiordlu tittargdluni, titartaagdluni, nipilerrorgdluni, timi aulatigdlugu pinngortitamiigdlunilu. Pingaarnerpaunguinnartoq artorrautivit aniatinniggaannut iluaqutiinerpaihavit nassaariniggaa augdlugdlugulu.
Asserruutit ilai aukua:
- Tittarneq: Ugdlorriutinnut tittarrinnarialitit taagdliorgdlutigdluunniit immineq pigihaggarnik ammaqaluunniit tittakkat inummut tatiiharnut tunniugdlugu.
- Titartaaneq/amiineq: Titartaugdlutit amiigdlutigdluunniit qalipautit eqqumiitsuleriornerit aqqutiigdlugit mihiissutsitit artornartut aniatigginnariaqaritit.
- Nipilerrorneq: Nipilerruutit mihiissutsinnut tugdluartut tuharnaarrinnariaqaritit ammaqaluunniit imminik mihiissutsinnik anitsiniarnernut iluaqutigigukkit nipilerrorrinnarialitit erinarrorgdlutigdluunniit.
- Pakkussineq: Aihahamik pakkuhamaagaqarneq mihiissutsit oqiliniggaannut iluaqutaoqattartoq.
- Pingortitaq: Pinngortitami pihunneq ammaqaluunniit pinngortitaq ihikkiviigdlugu nipaatsumi igguaneq eqqissititsihinnariagdlit mihiissutsigdlu oqiliniggaannut iluaqutauhinnariaqargdluni.
- Timi aulatigdlugu: Timimik aulatitsineq timerrornergdlu hunarpaggaartigut iluaqutaoqattartoq, autta mihiissutsinik artornarrinnauhunik aniatitsissutauhinnariagdlik.
Kina oqaloqatiihinnariaqariga?
Oqaloqateqaramaguit inuppaggaarnik toqqarrinnauharnik ulikkaartutit.
Angajoqqaatit, aanakkutit/aatakkutit, qatanngutitit ammaqaluunniit ilaquttavit argdlaat. Autta inerramahoq agdla illit nuannarihat tatiihagdlu hiordlu hungiuhauhoq, ilinniartitsihoq agdlaluunniit haa’viihinnariaqaritit.
Tusaanngamut hianerrinnariaqartutoqainnatit 801180-imut, SMS-ergdlutigdluunniit 1899-imut, uguunaluunniit chat-ikkut tittar’viigdluta. Agdlamik tatiihaqanngitsutut mihiigalaaruigdluunniit haa’viihinnariaqartutoqainnaugitsigut.
Imminut toquttarnermut tunngatillugu paatsoorneqartartut
imminut toqunnissaminik eqqarsaateqartoq ima oqaloqatigisinnaavat
Imminut toqunnissaminik eqqarsaateqartoq imaluunniit nuanniilliortutut misigisimasoq oqaloqatigissagukku, inussiarnersuunissat, tusarnaarluarnissat paasinninnerpillu paasitinnissaa pingaaruteqarput.
Oqaloqateqarnissamut siunnersuutit arlallit ataani atuakkit.
Soqutiginnissuseqarfigiuk
Inuk eqqissisimasumik inussiarnersumillu oqaloqatigiuk.
Tapersersuerusunnerit ikiuukkusunnerillu takutikkit.
Qanorinnersoq apersorlutit oqaloqatigiinneq aallartissinnaavat, soorlu:
- ”Aliasuppasittutit malugivara aamma ernumagivakkit.
Qanorinnerlutit oqaloqatigerusuppinga?”
- ”Angerlarsimaffinni qanoq ippit?
Ajunngilatit?”
Aamma inuk imminut toqunnissaminik eqqarsaatersornersoq toqqaannartumik aperisinnaavat:
- ”Ilaanni imminut toqunniarlutit eqqarsaatersortarpit?”
- “Imminut toqunnissamik eqqarsaateqarnerit allat nalunngilaat?”
- “Imminut ajoquseriarnikuuvit?”
Tusarnaarit
Oqaluttuarfigineqaruit inuttaa oqaluttuartiinnaruk qanorlu oqarusunnersoq tusarnaaruk.
Paasinnillutit misigissusaalu ataqqillugit takutiguk.
Aamma ajunngilaq inuttaa oqaluttuarusunngippat. Taamaakkaluartoq tapersersuinerit paasitiguk oqaluttuarnissaminullu piareersimalissagaluarpat tusarnaarusullutit oqarfigiuk.
Inersimasumut oqaluttuarit
Arlaata imminut toqunnissamik eqqarsaateqartarluni oqaluttuarfigisimappatit oqaluttuarfigineqanngikkaluarlutilluunniit arlaat ernumagigukku pingaaruteqarpoq ikiuissinnaasumut oqaatiginissaa.
Soorlu uku oqarfigisinnaavatit:
- Illit nammineq angajoqqaannut imaluunniit inersimasunut najugaqatigisannut
- Inuup imminut toqunnissamik eqqarsaateqartup angajoqqaavinut
- Atuarfimmi ilinniartitsisumut
- Tusaanngamut
Aamma inuk ernumagisat qanoq inersimasumut oqaluttuarsinnaanersoq ikiorsinnaavat, ima oqarlutit:
”Eqqarsaatitit pillugit inersimasumut qanoq oqaluttuarsinnaanersutit eqqartussavarput?”
”Eqqarsaatitit takkuteqqissagaluarpata qanoq iliorsinnaanersutit pilersaarusiussaagut?”
Tapersersuigit
Tapersersuinerit ikinngutinnut paasitiguk, soorlu ikinngutit ernumagalugu artorsarneranilu tapersersorusullugu oqarfigalugu.
Imminornitsamu eqqartsaalerardi iik adda iminnangaa oralivaraliisinnaavad
Imminornitsamu eqqartsaalerarder uppaliinnii aliasuulerarder oralivaralingiiatsangikku pingaarulerarpor iddi inutsiarnertsuunitsa, tusarnaartuarnitsa aamma pingaarulerarpor iddi paasinninii paasititsangid iimmu daddiva. Oralivaralerarnitsamu tsiunnertsuuli alaaniiddu alivaajatsiili.
Tsoruliitsava
Iik eqqitsisimasumi inutsiarnertsumi oralivaraliitsava. Tagilitsava tapertsertsuerusudduli igiuukkusudduli.
Qaner misiinerter apertsordungu oralivaralingiinner aaddarditsava, tsoordu:
- “Maliisinnaavarnga aliasudduli aamma annilaangatsulerardili, oralivaraleerngusuppinga?”
- “Eerdasimappinni qaniippi? Ajinngaasi?”
Aamma iik imminornitsamu eqqartsaalerarnerter toqqaannardimi apiisinnaavad:
- “Imminu ajeruserniartsaarniguuvid?”
- “Ilaanni imminornitsamu eqqartsaalerardarpi?”
- “Imminornitsamu eqqartsardarniid adda nalinngilaad?”
Dusarnaaqqitsaatsavuli
Oqalidduarpiineraajarngivid iik daanna oralivardiinnatsava, nammeer qaner oraasitsararnerter dusarnaanginnatsava.
Paasinnitsavuli aamma daaddima misiitsulii piddungu alaqqitsava. Aamma ajinngilar oralidduarusuujatsanngippad. Dapertsertsuidduli paasilitsavad taa oralidduarngusuujalitsappad tusarnaarngusudduli orarpiitsavad.
Inertimasumud oralidduatsavuli
Iik imminorusudduni eqqartsardardini ilinnu orartimaajarpad qanerduunnii oralidduarpiineranngikkalivardili isimaalidduli misingiiarngivid pingaarulerarpor addamu igiivisinnaasumu oraaliitsaddungu.
Tsoordu uguanaa orarpiisinnaavali:
- Iddi angajoqqaannu uppaliinnii inertsimasumu iijaraliilannu
- Imminornitsami eqqartsaalerardup angajoqqaavinu oratsavuli
- Alivarpimmi ilinniarditsisumu
- Tusaanngamu
Aamma iik ernumaasad inertsimasumu qaner oralidduartinnaanerter igeertinnaavad, tsoordu iminnangaa orardili:
“Eqqartsaalili piddungu inertsimasumu qaner oralidduartinnaanertili oralivaraliitsuliitsavarpu?”
“Eqqartsaalili dakkileqqiiatsangalivarpala qaner iliortinnaanerdila pilertsaarnguliitsavarpu?”
Tapertsersuitsavuli
Tapertsertsuinii kammalaalinnu paalitsava, tsoordu kammalaalii / Ikinnguli ardortsaajarma tapertsertsordungu ernumadduliddu orarpiitsava.
Imminut toqunniggaminik eqqarrauteqartoq imaa oqaloqatiihinnariaqarit
Imminut toqunniggaminik eqqarrauteqartoq ammaqaluunniit erngumahutut mihiihamahoq oqaloqatiissagukku inuggiarnerruuniggat, tuharnaargdluarniggat paahinninnerpigdlu paahitinniggaa pingaarutigdlit.
Oqaloqateqarniggamut hiunnerruutit argdlaqartut ataani atuakkit.
Hoqutiinnippalaarit
Inuk eqqissihamahumik inuggiarnerrumigdlu oqaloqatiiguk. Taperrerruijamanerit ikajuuttamanerigdlu takutikkit.
Qanorinnerroq aperrorgdlutit oqaloqatigiinneq augdlartijaarit, hiordlu:
- “Erngumarpalaartutit malugigiga autta ihumaigikkit. Qanorinnergdlutit oqaloqatiijamagimma?
- ”Angergdlarrama’vinni qanoq ippit? Naammattutit?”
Autta inuk imminut toqunniggaminik eqqarrauteqarnerroqc toqqaannartumik aperihinnariaqarit:
- ”Ilaanni imminut toqunniggamik eqqarrauteqaqattartutit?”
- “Imminut toqunniggamik eqqarrauteqarnerit agdlat nalunngikkaat?”
- “Imminut ajoquhernialoqqahutit?”
Tuharnaarit
Oqaluttuar’viineqaruit inuttaa oqaluttuartigginaruk qanorgdlu oqaramanerroq tuharnaaruk.
Paahinnigdlutit mihiissuhailu ataqqigdlugit ihiitiguk. Autta naammattoq inuttaa oqaluttuaramanngippat. Taimaakkalaartoq taperrerruinerit paahitiguk oqaluttuarniggaminugdlu piareerramalissagalaarpat tuharnaaramagdlutit oqar’viiguk.
Inerramahumut unikkaarit
Argdlaata imminut toqunniggamik eqqarrauteqaqattargdluni unikkaar’viihamappatit unikkaar’viineqanngikkalaargdlutigdluunniit argdlaat ihumaigukku pingaarutilik ikajuuttamahinnauhumut oqautiiniggaa.
Hiordlu makkaa oqar’viihinnariaqaritit:
- Igdlit immineq angajoqqaannut ammaqaluunniit inerramahumut najugaqatiiharnut.
- Inuup imminut toqunniggamik eqqarrauteqartup angajoqqaavinut.
- Atuar’vimmi ilinniartitsihunut
- Tusaanngamut
Autta inuk ihumaihat qanoq inerramahumut oqaluttuarrinnariaqarnerroq ikajorrinnariaqarit, imaa pigdlutit:
”Eqqarrautitit pigdlugit inerramahumut qanoq oqaluttuarrinnariaqarnergdlutit eqqartujaaripput?”
“Eqqarrautitit takkuteqqissagalaarpata qanoq iliorrinnariaqarnergdlutit pilerraaruhiorniarpugut?
Taperrerruigit
Taperrerruinerit ikinngutinnut paahitiguk, hiorgdlu ikinngutit ihumaigdlugu artorrarninganilu taperrerroramagdlugu oqar’viigdlugu.