Nukappiaraq aqupisimalluni sikingasoq aliasuppasilluni.

Qinngasaarneqartarpit?

qinngasaarneqartarpit?

Qinngasaarisarneq pillugu
video takuuk

ikiorneqarit

Qinngasaarneqartarneq pillugu ikiorneqarit

Qinngasaarisarneq pillugu
siunnersuutit pitsaasut

1

susoqarnersoq inersimasumut oqaatigiuk

Meerarpassuit Tusaannga attavigisarpaat qinngasaarneqartarnermik inersimasumut oqaatiginissaa ajornartikkamikku imaluunniit oqarsimagaluarlutik ikiorneqarsimasutut misiginnginnamik.

Tamanna uggornarpoq, inersimasummi ikiuuttussaapput.

Apeqqutaavallaanngilaq qinngasaarneqartarnerit kimut oqaatigissanerit, pingaarnerpaanginnarpoq inersimasumut oqaatigissagit.

Immaqa aallartissinnaavutit qanoq innerlutit oqaatigilaarlugu, misigiguillu tusarnaarluarneqarlutit oqaluttuarnerusinnaallutit. Pisut oqaluttuarilluarukkit inersimasup susoqarnersoq paasilluarnerussavaa ikiorluarnerusinnaassallutillu.

Oqaloqatigiinnissassinnut piffissaqarluarfissinni oqaluttuarit. Nalorniguit qanoq oqassanerlutit ima oqarsinnaavutit:

Pingaarutilimmik oqaasissaqarpunga. Qaqugu piffissaqassavit?

atuaruk

matujuk

2

Nutaanik kammalaatitaarit

Meeqqat ilaasa meeraqatimik ilaginerini toqqissisimannginneq misigisarpaat, meeraqatiminniik ilangiumaneqannginnissartik qunugisaramikku. Ilagisat toqqissisimaffiginngikkaanni amerlasuutigut qinngasaarisoqalertarpoq. Qinngasaarisartut ilaasa qinngasaarisarnerup kinguneri nuanniitsut eqqarsaatiginngitsoortarpaat.

Illit qinngasaarneqartarnerit pisuussutiginngilat, kisianni illit nuanniitsumik misigiffigisarpat.

Taamaammat iluaqutaasinnaavoq nutaanik kammalaatitaarneq.

Immaqa sunngiffimmi sammisassat arlaannut peqataasalersinnaavutit tassanilu kammalaatitaarlutit. Imaluunniit kammalaativit kammalaataat kammalaatitaaralugit.

atuaruk

matujuk

3

atuarfimmiik ikiorneqarit

Qinngasaarisarneq sapinngisat tamaat atorlugu unitsinniarsimagaluarukku sulilu ingerlappat, peqqutaasinnaavoq illit kisimiillutit qinngasaarisarneq unitsissinnaannginnakku.

Inersimasuniit ikiorneqanngikkaluarlutit nammineq aaqqiiniaarusussinnaanerit paasisinnaavarput. Kisianni qinngasaarisarneq ilinnuinnaq sunniunnani meeqqanut allanut aamma sunniuttarpoq, taamaammat pingaaruteqarpoq inersimasut ikiuunnissaat.

Ilinniartitsisut oqarfigalugu misiliguk. Iluaqutaanngippat atuarfiup allaffianut saaffiginnigit.

atuaruk

matujuk

4

meeqqat allat misigisaat iluaqutigikkit

Qinngasaartittartorpassuit oqaatigisarpaat kisimiittutut misigisarlutik kiserliortarlutillu.

Eqqarsaqqajaanarsinnaavoq: “Immaqa qinngasaartarpaannga uanga arlaannik ajoquteqarsimangama”. Taamaaliornikkut immitsinnut oqaatsinik nuanniitsunik tunioralertarpugut, qinngasaarisartut iliortarnerattuut. Kisianni qinngasaarneqartaruit isumaqanngilaq illit arlaannik ajoquteqarsimasutit.

Aamma kisimiittutulluunniit misigigaluaruit kisimiinngilatit. Kiserliorluni iluaqutaasinnaavoq meeqqat allat qinngasaarisarneq pillugu allagaat siunnersuutaallu atuarlugit. Una toorlugu allakkat nassaarisinnaavatit: Ikioqatigiitta

atuaruk

matujuk

5

killiliisarit

Misiliguk qinngasaarisut oqarfigalugit qinngasaarneqaraangavit qanoq misigisarnerlutit.

Paasisinnaavarput taamaaliornissaq sapernarsinnaammat. Kisianni taamatut killiliineq ilinnut oqiliallaataasinnaavoq.

Illit killiliisinnaatitaavutit nuanninngitsumik pineqaraangavit.

Qinngasaarneqartarluni nalornissutigineqarsinnaasarpoq nammineq pisuunerluni taamaattoqartarmat. Kisianni illit pisuunngilatit. Inuit amerlarnerpaartaasa inuunerminni killiliisariaqarneq misigisarpaat.

Maannakkumiit killiliisinnaaneq ilinnialereerukku, piginnaasaq taanna inuunerpit sinneranut iluaqutigisinnaavat.

atuaruk

matujuk

Quiz

klassersi pillugu misilitassaq misiliguk

Atuaqatigiiulluta klassitsinni immitsinnut nuannersumik oqaluuttarpugut

Eqqorpoq

Eqqunngilaq

Qinngasaarneqartaruit ikiorneqarnissannut pisinnaatitaaffeqarputit

Qinngasaarneqartannginnissamut pisinnaatitaaffeqarputit. Inersimasut ikiuuttussaapput qinngasaarisarneq unitsinniarlugu. Pisinnaatitaaffitit pillugit paasisaqarnerorusukkuit una tooruk.

misigisatit allaganngorlugit annisikkit

Misigisavit oqaatiginissai ajornartikkukku, allakkamik allassinnaavutit inersimasumullu ikiortigerusutannut tunniullugu.

uani allakkiorit

misissuineq

Nittartagaq qanoq isumaqarfigaajuk?

Niviarsiaraq ineeqqami mobilerluni issiasoq. Mobiliata skærmiani Tusaanngap logoa takuneqarsinnaavoq.

Qinngasaarneqartarpit?