Niviarsiaraq tarrarsuutikkut imminut isigisoq.

timi isikkorlu

misilitassaq

Timit marluk sanileriit apersuutillu ilisarnaatai pingasut.

Uani timit qanoq isiginerlugu toqqaagit, takusinnaassavallu amerlanerpaat suna toqqarsimaneraat.

Timiga nuannarinngilara

Timiga torraqqissaartuunngilaq kisianni nuannarivara

Timiga taamaalluni ajunngilaq

Timinni allanngortitaqarsinnaasuuguma allanngortitaqassagaluarpunga

Ullut ilaanni timiga nuannarisarpara, ullulli ilaanni nuanniigisarlugu.

Maannakkut timiga ineriartortorujussuuvoq inuusuttunngoriartorninni, taamaammat sungiuteqqaalaassavara.

Inunnut kusagisannut imminut sanillersuuttarpunga, assersuutigalugu TikTok-ikkut takusakkannut.

timimik aalatitsineq pillugu
isiginnaagassiaq takuuk

Paarisa isiginnaagassiaataa timimik aalatitsineq pillugu takuuk

timi isikkorlu pillugit
Siunnersuutit pitsaasut

1

Allanut sanillersuunnaveersaarit

Naliginnaasuuvoq inunnut allanut sanillersuussinnaasarneq. Kisianni sanillersuuttarneq ajoqutaalertarpoq angujuminaappallaanik immitsinnut anguniagassalersuleraangatta.

TikTok-ikkut malinnaaffigisaqarpit sanillersuuffigisakkannik? Taava imminut timinnullu ajortumik isiginnilertarlutit? Taamatut misigisaruit iluaqutigisinnaavat malinnaaffigiunnaarnissai.

Eqqaamajuk timigut tamatta assigiinngitsuummata. TikTok-ikkut inuit assigiinngitsunik timillit malinnaaffigilikkit maluginiarlugulu tamatta timitta qanoq assigiinngitsiginerat.

Inuit tamangajammik timertik naammaginagu misigiffeqartarput. Taamaammat imminut ajunngitsumik pisassaatit eqqaamallugulu allanngortariaqarnak naammaqqissaaravit.

atuaruk

matujuk

2

Oqimaalutaavik allornernillu kisitsineq unitsikkit

Timip aalatittarnera atortut assigiinngitsut atorlugit malinnaaffigineqarsinnaasarpoq.

Imaassinnaavoq illit mobilinni takusinnaasarit ullormut qanoq timit aalatissimatiginerlugu. Imaluunniit immaqa ilissinni oqimaalutaaveqarpusi.

Kisianni eqqaamajuk inuit tamarmik assigiinngitsuupput aammalu qanoq aalatigisarnissaat oqimaassusissaallu inummut tulluartoq assigiinnani.

atuaruk

matujuk

3

Timit tusarnaartaruk

Timit ilinnut kammalaataalluartuuvoq. Timitta paasitittarpaatigut suna pisariaqartinnerlugu imaluunniit arlaannik ajortoqaraangat.

Assersuutigalugu timivit paasitinniartarpaatit qasoqqanguni, perlileruni, ulapippallaaruniluunniit.

Timerput qanoq isikkoqarnersoq isiginiaannaavikkunnaarlugu, maluginiarsinnaavarput timerput. Timitta tusarnaarsinnaanera pitsaasuuvoq.

Timivit qanoq tusarnaarnissaa nalunarpa? Misiliguk eqqissisimaffigisarni ingillutit sikornerlutillu, isikkavit nuuiniik niaqquit tungaanut timit tamaat aqqusaarlugu maluginiarlugu.

Atuaruk

matujuk

4

Inersimasumik oqaloqateqarit

Ilaqutariit ilaasa timitsinnut assigiinngitsuunitsinnullu tunngasut ammasumik eqqartorsinnaasarpaat, ilaqutariilli ilaasa tamakkununnga tunngasut eqqaanngisaannarpaat.

Immaqa illit misigisarpat ilaquttavit saningorserneq trænertarnerlu eqqartukulasorujussuugaat. Imaluunniit allat timaat isikkuilu oqaasertalersortaraat.

Ajunngitsumik isumaqarsinnaagaluarput imaluunniit piaarilaarlutik, kisianni apeqqutaavoq illit qanoq tiguneritit. Taamaammat ajunngilluinnarpoq killiliiguit. Assersuutigalugu oqaatigisinnaavat:

“Isikkora timeralu nuanniigininngortarpakka uanga timiga imaluunniit allat timai eqqartoqattaaleraagassigit”

Pingaartuuvoq ammasumik eqqartuisarnissaq, taava ilaquttavit paasisinnaassavaat qanorinnersutit.

atuaruk

matujuk

5

kammalaatitit oqaloqatigikkit

Kammalaatigiit iluanni timi isikkorlu eqqartorneqartartut tusaasaraanni kingunerisinnaavaa nammineq timip isikkullu tungaatigut nuannarinngisaqarneq.

Kammalaatigiit iluanni eqqartortakkat sunniuteqartarput, taamaammat illit allanik eqqartuinissamut siunnersuuteqartarsinnaavutit.

Kammalaatitit siunnersuuteqarfigisinnaavatit timersi isikkorsilu nuannersumik eqqartortarsinnaagissi, timissinni isikkussinnilu nuannarinngisasi isiginiarpallaarunnaarlugit.

aatuaruk

matujuk

imminut naleqartinneq

Uummat assannik marlunnik eqinneqarsimasoq.

Imminut qanoq isigivit? Arlaannut inorsartuaannartutut imaluunniit allaniit pinniinnerusutut misigivit?

Taava uku misilitassaatigut misilissinnaavatit imminullu nuannarinerulernissannut iluaqutigalugit.

Step 1 of 10

Nuannersunik eqqarsaateqarlutit ulloq aallartillugulu naggasertaruk

Misiliguk ulloq nutaaq aallartippat ilinni suulluunniit nuannarisatit pingasut eqqarsaatigalugit. Aamma unnukkut taamaaliorsinnaavutit imaluunniit eqqarsaatigalugit ullormut nuannersut pisimasut. Siullermik taamaaliornissaq eqqumeeqqaalaarsinnaavoq kisianni taamaaliortarneq imminut nuannarinerunissannut iluaqutigisinnaavat.

misissuineq

Nittartagaq qanoq isumaqarfigaajuk?

Niviarsiaraq mobililerluni sinittarfimmi issiasoq. Skærmimi takuneqarsinnaavoq Tusaanngap ilisarnaataa.

timi isikkorlu

timi isikkorlu

misilitassaq

timimik aalatitsineq pillugu
isiginnaagassiaq takuuk

timi isikkorlu pillugit
Siunnersuutit pitsaasut