Ilaqutariit tasiortut. Anaanaq meeqqat marluk ataatarlu. Tunuaniik isigalugit.

ilaquttat

Ilaquttat

Siunnersuutit pitsaasut
ilaqutariinneq

1

Angerlarsimaffinni toqqissisimanngitsutut misigisarpit?

Meeqqat tamarmik angerlarsimaffimminni toqqissisimanissaminnut pisinnaatitaaffeqarput. Tamanna angajoqqaat paarsisulluunniit akisussaaffigivaat.

Angerlarsimaffimmi toqqissisimanngikkuit pingaaruteqarpoq arlaannut oqaatigissagit, assersuutigalugu ilinniartitsisunnut, kammalaatippit angajoqqaavinut Tusaanngamulluunniit.

Inersimasut arlaannik pisariaqartitaqaruit ikiortussaavaatsit.

Assersuutigalugu imatut oqarsinnaavutit:

“Angerlarsimaffinni toqqissisimavallaanngilanga, ilinnut eqqartulaarusuppara.”

atuaruk

matujuk

2

Ilaquttanniit allaanerusutut misigivit?

Ilaquttanniit allaanerusutut misigivit? Imaluunniit peqataalluanngitsutut?

Taava pitsaassaaq angajoqqaatit qatanngutitilluunniit tamanna pillugu eqqartueqatigigukkit.

Misilissinnaavat ataatsimoorlusi sammisinnaasassinnik siunnersuuteqarlutit. Ataatsimoorluni sammisaqaqatigiinneq ataqatigiilluarnerunissassinnut iluaqutaasinnaavoq. Immaqa angerlarsimaffissinni pinnguaatinik unammisinnaavusi soorlu ludo, imaluunniit filmeqatigiillusi.

atuaruk

matujuk

3

ilaquttatit kanngugalugit misigisarpit?

Meerarpassuit inuusuttullu misigisarput ilaquttatik kanngugalugit. Paasisinnaavarput misigissuseq taanna iluaassinnaasoq.

Imaassinnaavoq ilaquttavit ilisimanngikkaat illit kanngugikujussinnaasaritit. Taamaammat ilaquttannut tamanna ammasumik eqqartornissaa iluaqutaasinnaavoq. Assersuutigalugu oqarsinnaavutit: “Taanna pisoq uannut nuannerpallaanngilaq aamma taamaalisoqarmat misigivunga kanngusulaalerlunga”

Tamakku pillugit kammalaatit oqaloqatigineri iluaqutaasinnaavoq. Aamma kammalaatitit misigisarsimassapput ilaannikkut ilaquttatik kanngugilaarlugit.

atuaruk

matujuk

4

ilaquttatit allaniit allaanerusutut isigisarpigit?

Naliginnaasorujussuuvoq allanut sanillersuuttarneq allaanerusutullu misigisinnaaneq. Immaqa illit misigisarputit ilaquttatit allaniit allaanerusut.

Allaaneruneq pitsaasuusinnaavoq. Assigiinngitsuunerput ilinniarfigisinnaavarput. Eqqaamajuk illit qanoq ittuunerit ajoquteqanngimmat.

Kammalaatitit oqaloqatigisarsinnaavatit qanoq misiginerit pillugu. Imaassinnaavoq kammalaativit ilaquttatit allaanerusutut isiginngiivikkaat.

Aamma ilinniartitsisut imaluunniit inersimasoq alla saaffigisinnaavat tamakkulu pillugit oqaloqatigalugu.

atuaruk

matujuk

5

Angajoqqaatit qimannikuuppat?

Angajoqqaatit qimannikuugaluarpataluunniit pisinnaatitaaffitit pisinnaatitaaffigissavatit. Angajoqqaavit tamarmik angerlarsimaffimmi toqqissisimanissat akisussaaffigivaat.

Angajoqqaatit qimassimappata kina najugaqatigissanerlugu isummersinnaatitaavutit. Angajoqqaavit kina najugaqarfigissanerit aaliangersinnaavaat, kisianni illit isummannik annissisinnaavutit. Qulinik ukioqalereersimaguit naalagaaffiup sinniisuata ikiorsinnaavaatit. Naalagaaffiup sinniisuata angajoqqaatit attavigissavai isumaqatigalugillu kina najussanerit qaqugukkullu anaana ataatalu takusassaneritit. Naalagaaffiup sinniisuata normua 321001.

atuaruk

matujuk

angerlarsimaffinni toqqissisimanngitsutut misigisarpit?

Siunnersuutit pitsaasut angerlarsimaffimmi toqqissisimanngikkuit atorsinnaasatit uani takukkit. Piareersimaleruit pingaaruteqarpoq aamma inersimasumut oqaatiginissai.

Kammalaatit ilaginissaanut isumaqatigiissusioqatigiuk

Kammalaativit nuannisaqatigilaarneri allamut saasaataalluarsinnaavoq, taava illit toqqissisimananngitsunik misigisanniik pauselaarsinnaassaatit.

Immaqa aamma kammalaativit angajoqqaavi misigisannik oqaloqatigilaarsinnaavatit.

Killiliisarit

Killiliisinnaaneq ajunngitsuuvoq. Killiliisinnaatitaavutit arlaannik iluaagisannik misigisaqaruit. Inersimasut ajunnginnissat toqqissisimanissallu akisussaaffigivaat.

Soorlu imatut killiliisinnaavutit:

“Aliasulertarpunga imatut … ilioraangavit.”
“Toqqissisimanarinngilara aamma pisariaqartippara imatut iliortarnerit unitsissagit”
“Kisimiinnissara pisariaqartippara, nuannarineq ajorakku imatut ilioraangavit.”

Aamma Tusaanngap siunnersorsinnaavaatit qanoq killiliisarsinnaanersutit. Sianerfigisinnaavatsigut 801180-mut SMS-erlutilluunniit 1899-mut. Aamma maana chat-ikkut allaffigivisinnaavatsigut.

Nipilersuutinik tusarnaartarit

Nipilersuutit ilinnut nuannaalersitsisartut saammarsaatigisartakkatilluunniit tusarnaartakkit.

Tusaanngamut sianerit

Tusaanngamut 801180-mut sianernissannut tikilluaqqusaajuaannarputit. Meeqqat inuusuttullu suulluunniit ajornartorsiutit pillugit oqaloqatigisarneri misilittagaqarfigaarput. Ullut tamaasa ulloq unnuarlu ukioq naallugu ammasarpugut. Sianerfigisinnaavatsigut 801180-mut SMS-erlutilluunniit 1899-mut. Aamma maana chat-ikkut allaffigisinnaavatsigut.

Ullorsiutinut allattarit

Immaqa iluaqutigisinnaavat eqqarsaatitit allattarukkit. Taamaaliorlutit eqqarsaatitit misigissutsitillu annittarsinnaavatit.

Qatanngutitit oqaloqatigikkit

Qatanngutigiillusi angerlarsimaffissinni misigisasi pillugit paaseqatigiissinnaagassi immissinnut tapersersoqatigiissinnaavusi, qanorlu misiginerlusi oqaloqatigiittarlusi.

Allamut saasarit

Kisimiikkuit imaluunniit eqqarsaatitit inituallaalerpata eqqarsaatit allamut saatilaarnissaat iluaqutaasinnaavoq, imaassinnaavoq iluaqutigigit:

Nipilersuutinik tusarnaarlutit
Youtuberlutit TikTokerlutilluunniit
Titartaallutit
Filmimik seriemilluunniit isiginnaarlutit
Spillerlutilluunniit.

Inersimasumik oqaloqateqarit

Inersimasoq toqqissisimaffigisat assersuutigalugu ilinniartitsisoq imaluunniit kammalaativit angajoqqaavi oqaloqatigisinnaavatit.

Sianerfigikkit, allaffigikkit, imaluunniit ornikkit oqaluttuullugillu susoqarnersoq, taava immaqa ikiussavaatsit.

Aamma Tusaanngami inersimasumik oqaloqateqarsinnaavutit sianerlutit 801180-mut SMS-erlutilluunniit 1899-mut. Aamma maana chat-ikkut allaffigisinnaavatsigut.

Qulliit ikikkit

Ineeqqami taartumiikkuit immaqa iluaqutigissavat qulliit ikitilaarlugit aamma sila nillerpallaanngippat igalaaq ammarlugu silaannarissalaartutit.

Pisuttuarit

Periarfissaqaruit pisuttuarit, pisuttuarneq eqqissiallatsitsisinnaavoq silaannarissaataallunilu. Immap isiginera, timmisat qarlornerisa tusarnaarneri, anorsaalaarnerullu maluginera toqqissiallatsitsisinnaapput.

misissuineq

Nittartagaq qanoq isumaqarfigaajuk?

Niviarsiaraq mobililerluni sinittarfimmi issiasoq. Skærmimi takuneqarsinnaavoq Tusaanngap ilisarnaataa.

ilaquttat

Ilaquttat

quiz

Angerlarsimaffinni qanoq ippit?

Siunnersuutit pitsaasut
ilaqutariinneq

1

Angerlarsimaffinni toqqissisimanngitsutut misigisarpit?