Nukappiaraq tununngasoq. Tunuani malinneqarsinnaavoq titarneq ilassimasoq ammalortutut iluaniippullu apeqquterpassuit.

ERsineq, toqqissisimannginneq ernumanerlu

Ersineq, toqqissisimannginneq ernumanerlu

Anersaartornermut ilitsersuut
Misiliguk

annilaanganerMuT siunnersuutit pitsaasut

1

tatigisannut misigissutsitit oqaatigikkit

Misigiguit annilaangallutit toqqissisimanallu, pingaaruteqarpoq misigissutsit taakku kisermaatinnginnissai.

Eqqarsaatitit misigissutsitillu arlaannut oqaatigigukkit ilorraallaatigisinnaavat.

Eqqaamajuk tamatta artorsarfeqartaratta ikioqqunerlu pitsaasuummat.

Maluginiaruk kina toqqissisimaffiginerlugu. Immaqa angajoqqaatit kammalaativilluunniit arlaat?

Misigissutsivit oqaatiginissai ajornartikkukku misilissinnaavat eqqarsaatinnik allattuillutit.

atuaruk

matujuk

2

eqqarsaatit nuanniitsut unitsikkit

Malugigukku eqqissiviillutit, misiliguk sumiiffik nuannarisat toqqissisimaffigisakkallu eqqarsaatigalugu. Taamatut eqqarsaatit annilaangatitsisut eqqissiviilliortitsisullu unikaallatsissinnaavatit.

Annilaanganeq eqqissiviinnerlu naameerallakkit. Aalajangerit eqqarsaatit eqqissiviitsitsisut akornusersussanngikkaatsit ullullu sequmissanngikkaat.

Allanik eqqarsaateqarit nuannersunik, taamaalillutillu eqqarsaatit nuanniitsut qarasanni inissaarutsillugit.

atuaruk

matujuk

3

anersaartornerit atorlugu eqqissigit

Itisuumik anersaartornissannik sungiusarit, eqqissiviilliuleraanni itisuumik anersaartorluni eqqissinartarpoq.

Itisuumik sallaatsumik anersaartorit takorloorlugulu silammut anersaaraagavit eqqissiviilliorneq annilaanganerlu anisittarlugit.

Assat naannut qalasippit nalaanut inissiguk. Malugiuk naatit ilummut anersaaraagavit silaannarmik immertartut, silammullu anersaaraagavit naatit ilummukaqqittartut.

Sumiluunniit taamatut anersaartorneq misilittarsinnaavat, ullullu tamaasa sungiusartarukku eqqissinissaq angujartuinnassavat.

atuaruk

Matujuk

4

Eqqarsaatinniik pauselaarit

Sammisaqartarit nuannersunik ilinnullu toqqissinartunik, soorlu assersuutigalugu:

Kammalaatit sianerfigalugu
Nipilersuutinik eqqissinarisannik tusarnaarlutit
Pisuttuarlutit
Tiitorlutit imertorlutilluunniit
Kialaartumik uffarlutit
Videonik nuannersunik isiginnaarlutit
Filmi serieluunniit takoreernikuusat isiginnaaqqillugu
Sinilaarlutit
Spillerlutit
Ikkussortakkat ikkussorlugit

atuaruk

Matujuk

5

Pilersaarusiorit

Ersineq, annilaanganeq toqqissisimannginnerlu misigitillugit suut ilorraallaatigisarnerlugit eqqaamajuminaassinnaavoq.

Taamaammat pilersaarummik nammineq sanaannik peqaruit iluaqutigisinnaavat. Pilersaarusiappit eqqaasittarsinnaavaatit susoqaraangat ilorraallattanersutit, taannalu pilersaarutit sumulluunniit nassartarsinnaavat.

Mobilinnut pilersaarusiat allassinnaavat, pilersaarusiarluunniit assilillugu. Pilersaarusiorsinnaavutit uani

Uani pilersaarusiorsinnaavutit.

atuaruk

Matujuk

Maluginiutit

Eqqissinaveertarpit? Misilitassaq una misiliguk maluginiarlugulu eqqarsaatitit unikaallannersut.

Step 1 of 5

Takusinnaasatit tallimat allakkit

1

2

3

4

5

Toqu eqqarsaatigisarpiuk? Siunnersuutivut takukkit

Inuuneq siunertaqarsorinngilara

Toqu pillugu eqqarsaatit eqqarsaatigisarneri ilinnut oqimaassinnaavoq.

Inuit ilai misigisarput asasat ilaquttat ikinngutillu peqatiginissaat inuunerup siunertarigaa.

Illit nammineerlutit inuuninni isumaqartitatit malillugit inuunerpit siunertaa aaliagigassarivat. Aamma inuunerup ingerlanerani isumaqartitatit allanngorarsinnaapput.

Ulluinnarni ilinnut suut nuannaalersitsisarpat?

Aamma eqqarsaatitit pillugit oqaloqateqarsinnaavutit. Tusaanngami sunaluunniit pillugu oqaloqatigerusuppatsigit, aamma toqu pilluguugaluarpalluunniit. Normumut 801180-mut sianerfigitigut SMS-erlutilluunniit 1899-mut. Aamma maana chat-ikkut allaffigisinnaavatsigut.

toqugutta susoqassanersoq ernumagisarpara

Taamatut ernumaneq kisermaatissagaanni sakkortusinnaavoq. Qanigisannik toqusoqarnissaa ernumagisarpiuk? Imaluunniit illit nammineerlutit toqunissat ernumagisarpiuk?

Kialluunniit ilisimanngilaa toqugaanni susoqartarnersoq.

Ilaasa upperisarpaat qilammukartartugut. Inuit aamma ilaasa upperisarpaat asanninneq pinngorfipput uterfigeqqittaripput. Inoqarpoq aamma upperisaqanngiivissunik.

Inuit ilaasa toqugaluariarlutik uummaqqinneq misiginikuuaat. Taakkualu oqaatigisarpaat nuannersumik eqqissinartumillu misigisimallutik. Toqu pillugu eqqarsaatitit pillugit inersimasumik oqaloqateqaruit iluaqutigisinnaavat. Angajoqqaannuusinnaavoq, aanaakkunnut imaluunniit ilinniartitsisunnut. Aamma Tusaanngamut sianersinnaajuaannarputit normumut 801180-mut SMS-erlutilluunniit 1899-mut. Aamma maana chat-ikkut allaffigisinnaavatsigut.

toqulluni annernarnersoq ernumagisarpara

Toqup annernartuuneranut takussutissaqanngilaq. Toqugaanni uummat unittarpoq, taamaaligaagallu anniarneq misigineqarsinnaaneq ajorpoq.

Inuit ilaasa toqugaluarluni uummaqqinneq misiginikuuat. Taakkulu oqartarput toqulluni annernanngitsoq, kisianni nuannersorujussuarmik eqqissinartumillu misigisimallutik oqaluttuartarput.

kiap isumagissavaanga angajoqqaakka toqussagaluarpata?

Naliginnaasuuvoq angajoqqaat toqoriataarsinnaanerinut ernumasarneq, taamaattoqassagaluarpallu susoqassaneranut ernumasarneq. Meerarpassuit tamanna ernumagisarpaat eqqarsaatigisarlugulu.

Angajoqqaatit tamanna pillugu oqaloqatigisinnaavatit, imaassinnaavoq eqqissiaallaatigigit.

Angajoqqaavit aliatsatsinnissaat ernumagisariaqanngilat. Inersimasut meeqqanut paarsilluarusuttarput aamma meeqqat ernumassuteqarpata ikiornissaat pingaartittarpaat.

Susoqaraluarpalluunniit inersimasoqartuaannarpoq ilinnut paarsisinnaasunik, taanna pisinnaatitaaffigivat. Arlaannik susoqassangaluarpat imminiiginnarneqarsinnaanngilatit ikiortissaqartuaannarputit.

Sunaluunniit pillugu ernumassuteqaruit eqqaamajuk sianerfigisinnaajuaannaratsigut normumut 801180-mut SMS-erlutilluunniit 1899-mut. Aamma maana chat-ikkut allaffigisinnaavatsigut. Illit pillutit maaniippugut.

Inuit allat aamma uattuut eqqarsartarpat?

Ajortuunngilaq toqumut tunngasunik ersigisaqarsinnaaneq. Allat aamma taamaattarput. Iluaqutaasinnaavoq toqumut ersiginninngitsumik oqaloqateqarneq. Aammami inuppassuupput toqumut ersiginninngitsut, ilinnullu eqqissiallatsitsisinnaasut. Oqaloqatigisinnaasannik nalunngisaqanngikkuit sianerfigisinnaajuaannarpatsigut normumut 801180-mut SMS-erlutilluunniit 1899-mut. Aamma maana chat-ikkut allaffigisinnaavatsigut.

misissuineq

Nittartagaq qanoq isumaqarfigaajuk?

Niviarsiaraq ineeqqami mobilerluni issiasoq.

ERsineq, toqqissisimannginneq ernumanerlu