Anersaartornermut ilitsersuut
Misiliguk

annilaanganerMuT
siunnersuutit pitsaasut
Annilaanganermu
tsiunner´tsuulid pitsaasud
Kappiahunnermut
hiunnerruutitsialaat
Maluginiutit
Eqqissinaveertarpit? Misilitassaq una misiliguk maluginiarlugulu eqqarsaatitit unikaallannersut.
Toqu eqqarsaatigisarpiuk? Siunnersuutivut takukkit
Inuuneq siunertaqarsorinngilara
Toqu pillugu eqqarsaatit eqqarsaatigisarneri ilinnut oqimaassinnaavoq.
Inuit ilai misigisarput asasat ilaquttat ikinngutillu peqatiginissaat inuunerup siunertarigaa.
Illit nammineerlutit inuuninni isumaqartitatit malillugit inuunerpit siunertaa aaliagigassarivat. Aamma inuunerup ingerlanerani isumaqartitatit allanngorarsinnaapput.
Ulluinnarni ilinnut suut nuannaalersitsisarpat?
Aamma eqqarsaatitit pillugit oqaloqateqarsinnaavutit. Tusaanngami sunaluunniit pillugu oqaloqatigerusuppatsigit, aamma toqu pilluguugaluarpalluunniit. Normumut 801180-mut sianerfigitigut SMS-erlutilluunniit 1899-mut. Aamma maana chat-ikkut allaffigisinnaavatsigut.
toqugutta susoqassanersoq ernumagisarpara
Taamatut ernumaneq kisermaatissagaanni sakkortusinnaavoq. Qanigisannik toqusoqarnissaa ernumagisarpiuk? Imaluunniit illit nammineerlutit toqunissat ernumagisarpiuk?
Kialluunniit ilisimanngilaa toqugaanni susoqartarnersoq.
Ilaasa upperisarpaat qilammukartartugut. Inuit aamma ilaasa upperisarpaat asanninneq pinngorfipput uterfigeqqittaripput. Inoqarpoq aamma upperisaqanngiivissunik.
Inuit ilaasa toqugaluariarlutik uummaqqinneq misiginikuuaat. Taakkualu oqaatigisarpaat nuannersumik eqqissinartumillu misigisimallutik. Toqu pillugu eqqarsaatitit pillugit inersimasumik oqaloqateqaruit iluaqutigisinnaavat. Angajoqqaannuusinnaavoq, aanaakkunnut imaluunniit ilinniartitsisunnut. Aamma Tusaanngamut sianersinnaajuaannarputit normumut 801180-mut SMS-erlutilluunniit 1899-mut. Aamma maana chat-ikkut allaffigisinnaavatsigut.
toqulluni annernarnersoq ernumagisarpara
Toqup annernartuuneranut takussutissaqanngilaq. Toqugaanni uummat unittarpoq, taamaaligaagallu anniarneq misigineqarsinnaaneq ajorpoq.
Inuit ilaasa toqugaluarluni uummaqqinneq misiginikuuat. Taakkulu oqartarput toqulluni annernanngitsoq, kisianni nuannersorujussuarmik eqqissinartumillu misigisimallutik oqaluttuartarput.
kiap isumagissavaanga angajoqqaakka toqussagaluarpata?
Naliginnaasuuvoq angajoqqaat toqoriataarsinnaanerinut ernumasarneq, taamaattoqassagaluarpallu susoqassaneranut ernumasarneq. Meerarpassuit tamanna ernumagisarpaat eqqarsaatigisarlugulu.
Angajoqqaatit tamanna pillugu oqaloqatigisinnaavatit, imaassinnaavoq eqqissiaallaatigigit.
Angajoqqaavit aliatsatsinnissaat ernumagisariaqanngilat. Inersimasut meeqqanut paarsilluarusuttarput aamma meeqqat ernumassuteqarpata ikiornissaat pingaartittarpaat.
Susoqaraluarpalluunniit inersimasoqartuaannarpoq ilinnut paarsisinnaasunik, taanna pisinnaatitaaffigivat. Arlaannik susoqassangaluarpat imminiiginnarneqarsinnaanngilatit ikiortissaqartuaannarputit.
Sunaluunniit pillugu ernumassuteqaruit eqqaamajuk sianerfigisinnaajuaannaratsigut normumut 801180-mut SMS-erlutilluunniit 1899-mut. Aamma maana chat-ikkut allaffigisinnaavatsigut. Illit pillutit maaniippugut.
Inuit allat aamma uattuut eqqarsartarpat?
Ajortuunngilaq toqumut tunngasunik ersigisaqarsinnaaneq. Allat aamma taamaattarput. Iluaqutaasinnaavoq toqumut ersiginninngitsumik oqaloqateqarneq. Aammami inuppassuupput toqumut ersiginninngitsut, ilinnullu eqqissiallatsitsisinnaasut. Oqaloqatigisinnaasannik nalunngisaqanngikkuit sianerfigisinnaajuaannarpatsigut normumut 801180-mut SMS-erlutilluunniit 1899-mut. Aamma maana chat-ikkut allaffigisinnaavatsigut.
doru eqqartsaaliilarpii? Tsiunnertsuuli tagiiatsiili
Inuuner tsuinertaranngitsusu iliivarngar
Doru piddungu eqqartsaali ilinnu kernimakkaajuusinnaappu, qaner iivi ilaad misiilardi asasat ilarulad aamma kammalaali iijaraliinitsaa kiitsaaqqitsarmi inuunermi tsuinertaaler. Iddi nammeeqqitsardili isumarardilali maliddungu iddi inuunerpi tsuinertaa aalajangitsava. Aamma eqqaamatsavad inuuner eerdaningani
isumarardilad addanngortartinnaammala.
Udduinnarni kisi ilinnu kajimiddeertitsilertarpa?
Aamma eqqartsaalili piddungu oralivaralerartinnaavuli. Tusaanngami kisiliinni piddungu oralivarngaleerngusuppatsi, aamma doru piddunguungalivarpaddiinnii. Normumu uuangaa tsianertinnaavuli 80 11 80, uppaliinnii sms-erdili 1899-mu, aamma piimaajarngivi chat-dikku addatsinnaavuli.
Doru keernasingi qaner pisimasorartinnaanertser ernimangilarparnga
Ernumaner kiitsaarmiiddini alertungu tsakkerdisinnaavor. Ilarulavi ardaala dorunitsaa ernimaasarpii? Uppaliinnii iddi nammeer dorunitsa annilaangaalarpii?
Kiadduunnii qaner nalingaa dorup keernasingu kisiminnga pisorartinnaanerter.
Ilaasa uppiivaad qilammugarngumaarduu. Iivid ilaasa aamma uppiivaad asanninner pinngorpiisarpud ulerpeeqqiddarngippu, aamma eerarpor uppiisaranngiveqqitsardini.
Eerarpor aamma dorularngeerdili uummaqqitsimalid, taakkivad oralidduaad maliddungu kajiminnakkaajummi eqqitsinakkaajummiddi misiisarardartsimappud. Doru piddungu eqqartsaalili piddungu inertimasumi oralivaraliilaraajangervi iluaruliisinnaavad, angajoqqaaliisinnaavor aamma.
Aanaakkunni uppaliinnii ilinniartitsisud, aamma Tusaanngamu tsianertuaannartinnaavuli uuangaa normumu 80 11 80, uppaliinnii sms-kku addaddili 1899-mu. Aamma chat-ikku addaannartinnaavuli.
dorudduli annernarnertser annilaangaalarparnga
Doru ilivami annernarnertser alivangatsaranngilar. Iik toruujarngaarngad uummad unittarpor, taamaattoraajarngaarngat taa anniarner misiinerartinnaanngilar. Eerarpor dorungalivartimalini kisia aamma uummaqqitsimalini, iivi taaminna misiilarartimali orardarpu dorudduni annernanngitser, kisia aamma oralidduardarpud kajiminnakkaajummi eqqitsinartumi misiisimalartimali.
Angajoqqaakka toruujarpala kia paarngitsangaanga?
Naliinginnaasuukkaajuuvor angajoqqaad dorunitsaannu annilaanganer, qaner taamaadderatsangalivarpad kisiminnga pisorarnitsaa annilaanganartinnaaler.
Mertserdi amerdakkaajuu taanna annilaangaakkaajuularngaad aamma eqqartsaaliilarngaad. Angajoqqaali tamanna piddungu oralivaraaliisinnaavali, imaatsinnaavor eqqitsiaddaaliingid.
Angajoqqaalid aliaddaddinnitsaad annilaangaatsanngilad, qaner inertimasud mertserdunu paartidduarditsa aamma mertserdi annilaangatsuleraajarpala igeernitsaanu pingaartiddarngaad.
Kisiminngaliinniid pisoqarngalivarpad inertimasorartuaannarpor ilinnu paartisinnaasumi, taanna pisinnaatitaappiivad. Qaner ardaanni pisoratsangalivarpad alaannarnerarnavianngaali,
igeerditsarartuaannarpuli. Kisiliinnii piddungu annilaangatsuleraajarngivid eqqaamatsavad uangiddinni tsianertuaannartinnaavuli uangaa normumu 80 11 80 uppaliinnii sms-tserduli 1899-mu. Aamma chat-ddikku addatsinnaavuli, qaner iddi pidduli maaniidduu.
Iivid adda aamma uaddu eqqartsardarpa?
Dorumu tunngasu ertiitsaddungu ajerduunngilar, iivid adda aamma taamaaddarpu. Iluarulaasinnaavor iik adda Dorumu ertiisaranngitser oralivaraliiddungu.
Iippaddivagaii amerdakkaajuu aamma dorumu ertiner ajerpu, taakkiva aamma ilinnu eqqitsiaddatsitsisinnaappu. Oralivaraliisinnaasannu nalinngisaraajanngikkivid uaiddinnu tsianertinnaavuli normumu uua 80 11 80 uppaliinnii sms-tserdili 1899-mu, aamma tamatta chat-ddikku addaddorartinnaavor.
Toqu eqqarrauteeqattarit? Hiunnerruutivut takukkit
Inuuneq hiunertaqarahiinngikkiga
Toqu pigdlugu eqqarrautit eqqarrauteeqattarneri ilinnut artornarrinnarialik.
Inuit ilai ihumalioqattartut aihahat ilaquttat ikinngutigdlu peqatiiniggaat inuunerup hiunertarigaa.
Igdlit immineergdlutit inuuninni ihumaqartitatit maligdlugit inuunerpit hiunertaa auliangigaggarigit, autta inuunerup ingergdlanerani ihumaqartitatit agdlanngorarrinnariagdlit.
Ugdluinnarni ilinnut hunat nuannaartunngortitseqattartut?
Autta eqqarrautitit pigdlugit oqaloqateqarrinnarialitit. Tusaanngami hunaluunniit pigdlugu oqaloqatiijamagitsigit, autta toqu pigdluguugalaarpagdluunniit. Normumut 801180-imut hianer’viitigut SMS-ergdlutigdluunniit 1899-imut. Autta uguuna chat-ikkut tittar’viihinnariaqaritsigut.
Toqugutta huhortaqajaarnerroq kappiageqattariga
Taimaa kappiahuuteqarneq kihermautissagaanni hakkortuhinnarialik. Qanigiharnik toquhoqarniggaa kappiahuuteeqattarit? Ammaqaluunniit igdlit nammineergdlutit toquniggat kappiahussuteeqattarit?
Kinagdluunniit ilihamanngikkaa toqugaanni huhortaqaqattarnerroq.
Ilaiha uppereqattaraat qilammukaqattartugut. Inuit autta ilaiha uppereqattaraat aihanninneq pinngor’vipput uter’veeqqeqattaripput. Inulittaoq autta upperihaqanngigdluarrinnartunik. Inuit ilaiha toqugalaargdlutit uummaqqinneq miheeqqagaat. Taukkualu oqauteeqattaraat nuannerrumik eqqissinartumigdlu mihiihaqarramagdlutik. Toqu pigdlugu eqqarrautitit pigdlugit inerramahumik oqaloqateqaruit iluaqutiihinnariaqarit. Angajoqqaarnuuhinnarialik, aannaakkornut ammaqaluunniit ilinniartitsihornut. Autta Tusaanngamut hianerrinnariaqartutoqainnatit normumut 801180-imut SMS-ergdlutigdluunniit 1899-imut. Autta uguuna chat-ikkut tittar’viihinnariaqaritsigut.
Toqugdluni annernarnerroq kappiahussuteeqattariga
Toqup annernartuuninganut takussutiggartaqanngitsoq. Toqugainni uummat uneqattartoq, taimaaligaangagdlu anniarneq mihiineqarrinaugunneeqattartoq.
Inuit ilaiha toqugalaargdluni uummaqqinneq miheeqqagaat. Taukkualu oqaqattartut toqugdluni annernanngitsoq, kihianni nuannerrorruarmik eqqissinartumigdlu mihiihamagdlutik oqaluttuaqattartut.
Kinap ihumagiaaraanga angajoqqaakka toqussagalaarpata?
Naliginnauhoq angajoqqaat toqukarraarrinnariaqarneri pigdlugu ernumassuteqarneq, taimaattoqassagalaarpagdlu huhoqassaneranut ernumassuteqarneq. Peraarpaggiit tamanna ernumageqattaraat eqqarrauteeqattargdlugulu.
Angajoqqaatit tamanna pigdlugu oqaloqatiihinnariaqaritit, imaagginnarialik eqqissiagdlaatiigit. Angajoqqaavit nuannaaerunneertinniggaat ernumagihariaqanngikkit. Inerramahut peraanut paerrigdluaramaqattartut autta peraat ernumassuteqarpata ikajorniggaat pingaarteqattaraat,
Huhortaqaralaarpagdluunniit inerramahortaqartutoqainnaq ilinnut paerrihinnarialimmik, tamanna pihinnautitaa’viigit. Argdlaannik pihoqassagalaarpat alarrinnarneqarrinnaunngitsutit ikajortiggaqartutoqainnatit.
Hunaluunniit pigdlugu ermumassuteqaruit eqqaamajuk hianer’viihinnariaqartutoqainnaagatsigut normumut 801180-imut hianer’viitigut SMS-ergdlutigdluunniit 1899-imut. Autta uguuna chat-ikkut tittar’viihinnariaqaritsigut. Igdlit pigdlutit maaniittugut.
Inuit agdlat autta uattugdli eqqarraqattartut?
Toqumut tunngahunik kappiahuuteqarrinnauneq ajortuunngitsoq. Agdlat autta taimaaqattartut. Iluaqutauhinnarialik toqumut kappiagihaqanngitsumik oqaloqateqarneq. Auttanauk inuppagguuhut toqumut kappiaginninngitsunik, ilinnugdlu eqqissiagdlatsitsihinnarialinnik. Oqaloqatiihinnariaqakkannik nalunngihaqanngikkuit hianer’viihinnariaqartutoqainnaugitsigut normumut 801180-imut hianer’viitigut SMS-ergdlutigdluunniit 1899-imut. Autta uguuna chat-ikkut tittar’viihinnariaqaritsigut.
misilitassaq
Eqqissiviileraangavit qanoq imminut eqqissitissinnaanermut pilersaaruteqarneq iluaqutigisinnaavat. Ataani pilersaarusiorlutit misiliguk.