TUSAANNGA PILLUGU
VIDEO TAKUUK
tapersersorneqarit
tusarnaarpatsigit
Tusaanngap illit tapersersorusuppaatit.
- Siunnersorneqarusukkuit
- Saammarsarneqarusukkuit
- Inersimasumik ilinnut tusarnaarusuttumik oqaloqateqarusukkuit
Sianerfigitigut allaffigalutaluunniit.
Ullut tamaasa, ukioq kaajallalugu Tusaanngami siunnersuisut meeqqat inuusuttullu pisariaqartitaat annertuppata annikippataluunniit siunnersussallugit ikiussallugillu piareersimasarput.
Tusaannga pillugu annertunerusumik paasissutissat
Illit Tusaannga.gl-ip nittartaagaani isersimaninni toqqissisimanissat pingaartipparput.
TUSAANNGA ULLOQ UNNUARLU AMMASARPOQ
Qaqagukkulluunniit Tusaanngamut sianersinnaavutit allallutilluunniit. Unnuaangaluarpat, juulleraluarpat ullunilu allani pingaartuni aamma ammajuaannarpugut.
Ilaannikkut sianertut allattullu amerlasinnaammata utaqqinalaarsinnaavoq.
Siunnersuisut kikkuuppat?
Tusaanngami siunnersuisut oqaluussinnaasatit allaqatigisinnaasatillu inersimasuupput meeqqanik inuusuttunillu oqaloqateqarnermik misilittagallit.
Taamaattumik siunnersuisut tusarnaarnissat apeqqutinillu aperilaartarnissat pikkoriffigivaat.
Aamma Tusaanngap nittartagaani meeraqatinnik siunnersorneqarsinnaavutit. Ikioqatigiitta iserfigeriarlugu allakkamik nassiussisinnaavutit meeraqatinnillu siunnersorneqarlutit. Ikioqatigiitta pillugu una toorlugu paasisaqarnerusinnaavutit.
Kinaassutsimik isertuussineq qanoq isumaqarpa?
Kinaassutsimik isertuussineq qanoq isumaqarpa?
Qanoq ateqarnerlutit paasitittariaqanngilat, aamma siunnersuisup qanoq ateqarnerluni paasitissanngilaa.
Tusaanngamut allassimallutit sianersimallutilluunniit allanut paasitikkusunngikkukku, EQQAAMAGIUK sianerfigisimasatit mobilinniittut slet-ernissai, sms-ikkullu allaqatigisimagutsigut allatatta peernissai.
SIUNNERSUISUT NIPAGIUSSISUSSAATITAAPPUT
Nipagiussisussaatitaaneq isumaqarpoq, Tusaanngami oqaluussimasatit allaffigisimasatilluunniit illit eqqartukkatit pillugit kimulluunniit oqaqqusaanngitsut.
SIUNNERSUISUT NALUNAARTUSSAATITAAPPUT
Nalunaartussaatitaaneq isumaqarpoq, siunnersuisut ernumanartissinnaasaannik eqqartuisimagussi, assersuutigalugu:
- Annersarneqarsimaguit
- Imminut toqunnissamik eqqarsaateqaruit
- Angajoqqaavit paarsisuilluunniit imigassartorpallaarsimallutik paarilluarsinnaanngippatsit
Taava siunnersuisut kommunemut oqaatiginnittussaapput illit ikiorniarlutit – nipangiussisussaatitaangaluarlutilluunniit. KISIANNI AATSAAT taamaaliorsinnaapput kinaanersutit nalunngikkunikku. Illit nammineq aaliagissavat kinaassutsivit paasitinnissaa piareersimaffiginerlugu.
KINAANERIT PAASITISSANERLUGU ILLIT NAMMINEQ AALIANGISSAVAT
Tusaanngap meerarpassuit angerlarsimaffimminni toqqissisimanngitsut ikiortarpai. Ilaanni sianertut allattulluunniit kinaassusaasa paasinissaat pisariaqartarpoq, allattoq sianertorluunniit ikiorluarneqarsinnaaniassammat.
Tassa imaappoq, qaqagukkulluunniit kinaanerlutit oqaatigerusukkukku oqaatigisinnaavat. Taamaalilluta kommunemut nalunaarsinnaavugut ikiorneqaqqullutit (Taanna taasarpaat nalunaarutiginninneq). Taava kommunep ikiussavaatit.
Kommuneminngaanniik oqaluussaqassaguit, inersimasumik “Najorti”-mik ilagineqarsinnaavutit. “Najorti” tassaavoq inersimasoq, illit kommunemut attaveqarnissannut ikiuuttussaq. Kommunimukassangaangavillu kommunimut “Najorti”-p ilagisarsinnaavaatit.
“Najorti” pillugu paasisaqarnerorusukkuit www.najorti.gl -kkut paasisaqarnerusinnaavutit imaluunniit 290028-mut sianerlutit (akeqanngilaq). Tusaanngap aamma “Najorti”-mut attaveqarnissannik ikiorsinnaavaatit.
misissuineq
Nittartagaq qanoq isumaqarfigaajuk?
Namminerisamik inuunerup mianerinissaa aamma cookies-it pillugit
Tusaanngap politikkia
Politikkikkut matumuuna nassuiarneqarpoq qanoq iliorluta paasissutissat ilinnut tunngasut pissuseqarfigisarnerigut illersortarnerigullu aamma saaffiginittarfigisatsinni cookies-it qanoq atortarnnerigut.