Hej niviarsiaraq 14-nik ukiulik.
Qujanaq Ikioqatigiittamut allagaqalaarninnut. Assorujussuaq pikkorigivakkit allakkavit. Tusaanngamiit oqinnerusumik misigisimalernissannut ikiorusuppatsigit, taamaattumik siunnersorusunnarputit tusaanngamut saaffiginnissinnaasutit telefon 801180, sms 1899 imaluunniit nittartakkakkut chateqatigaluta. Akeqanngilaq aamma kinaatsutsimik isertuussisuuvugut normullu takusinnaanngilarput. Isumaqarpoq saaffiginnissagaluaruit kinaasutit nalussagipput.
Paasisinnaavakkit atornerlugaasimanerit nuanniilliuutigigukku, nuannersuunngilarmi killimik qaangiiffiitilluni. Taamaattumik allannerit Tusaanngamut torraasuuvoq aamma nukittuvutit. Neriuppunga tusaanngamut sianerlutiluunniit allattarumaartutit oqaloqateqalaarlutit. Tusaanngami oqaloqatiginnittartut siunnersuillaqqissorujussuupput aamma oqaloqateqartalerusukkuit ikiorsinnaavaatsit, illilli nammineq taanna aaliangissavat, ikiortinniaruit atit inuuiillu tunniuttussaagakkit. Kisianni tunniukkusunngikkukkit aamma ataqqissavarput, taava siunnersuutigut immaqa iliuuseqarfigisinnaajumaarpatit ilinnut tullartuuppata.
Ajunnginnerpaamik kissaappakkit.
Tusaanngami sulisoq
