Nuummi Inuusuttunik Sullissivik

Nuummi Inuusuttunik Sullissivik meeqqanut inuusuttunullu ikiorneqarnissaminnik pisariaqartitsisunut naatsorsuussaavoq.

Inuusuttunik Sullissivik timikkut tarnikkullu ajoqusersimasunut (kingunipilutitsisunut) katsorsaanissamik neqeroortarpoq (6-init 14 -inut ukiulinnut), soorlu sumiginnagaasimasunut, innarligaasimasunut, persuttagaasimasunut imaluunniit qanigisaminnik annaasaqarsimasunut.

Inuusuttunik siunnersuinissamik neqerooruteqarput (10-iniit 17-inut ukiulinnut, inersimasumik oqaloqateqarnissamik pisariaqartitsiguit.

Aamma aanngajaarniutinik atornerluinermik katsorsaanissamut periarfissaqarpoq (23-nik ukiullit tikillugit).

Nuummi Inuusuttunik Sullissivik Nuummi inuusuttunut tamanut kinaassuseq taanngikkaluarlugu ammasumik siunnersuinissamik neqerooruteqarpoq.

Attavissaq

Kinaassuseq taanngikkaluarlugu ammasumik siunnersuisarfik kikkunnut tamanut ammasarpoq sisamanngornerit tamaasa nal. kl. 14:00-imiit 18:00-imut uani: Farip Aqqutaa 10 aamma Saqqarlernut 14.

Inuusuttunik Sullissivimmit allatigut ikiorneqassaguit, kommunimi suliamik suliaqartumit innersuunneqassaatit.