Arfininngonikkununa anaana ataatalu nikikulanerusartut, illumilu kisimiikkusunneq ajorama ersisarama. Taamaallutsinuku anaanakkut nikilersut anaanakkut apereqqaarnagit pulaartoqarama nukappiaqqat kammakka. Unnuaannarmi pulaarujoorput illaqattaarpugut ersinartunillu isiginnaarluta. Anaana allaffigigakku qaqugu angerlarniarnersut allaannarpoq qanittumi angerlarniarlutit, utaqqimisaarnikuullugit. Taakku nukappiaqqat pulaartukka isiginnaagartik assut nuannarivaat. Anaanakkut majuartarfikkut majuarpaluttut tusaavagut nukappiaqqallu uanga ineeqqannut toqqorpakka anaana iserami putumarujussuanngilaq ataatalu. Anaana aperivoq “kiaana qanna nasaa” uaa oqaannarpunga “oush” anaana sukangalaartumik oqarpoq “nalunngilat!” Uaa isikka uitsinnerulerpakka tupallunga. Anaana sinittarfinni ujaasilerpoq. Nasaarai ganngillu tungaanut pisoqatsigalugit animmata anaana sukanganerusumik aperivoq “sorleq angutaatsigigakku!” Uaa “angutaatseqanngilanga kammagiinnarpakka!” Anaana assut kamaqqarpasippoq. Oqarlunilu ataatagooq ilaasimanngitsuuppat sequtsereeraluaraanga assut tupappunga, anaana nangippoq oqaqqilluni ataataviganut nassiussallunga. Uaa ataataviga qaniginngilara, qaniginngingaarakku atsiavialuunniit naluara.
Kingorna ataata ineeqqannukarpoq aperiartorluni susoqarsimanersoq, piviusoq oqaatsigisariaqarakku piviusoq oqaatsigiinnarpara pulaaginnartut isiginnaaginnartullu. Anaanaasit sukangareerluni nuivoq sallunerarlunga. Upperineqannginnama anaananniit oqaaseqaqqinngiinnarpunga. Ataata eqqisseqqusivoq. Toqqisisimajunnaarpunga. Kingorna anaana isigiperloriarlunga ineeqqanniik anillappoq ataata suli ineeqqanniittoq. Ataataviginngikkaluarlugu ataatavinniik toqqissisimaffigineruara ataatarsiaga.
